Luka 9:45 - Vato Vari Vakameka Voru Ia Batu Ne

⁴⁵ Do disipoloro ia iriki nanao rove so kaega, avana tane iva talupasa ze go seko ni sine ne qira go Jesu. Tanego God i pika ne qira, sauna pata dena, tarina gata, do tariniki rove kaega talupasana, mana iri sareki napu ne tana ne na avana tane talupasana seko ia i sine go.

Luka 9:45 ပူးပေါင်းရင်းမြစ်များ

Matiu 16:22

Pasi nae Pita i pala vamiki a Jesu mana i sine va moqere ne, “Batu, kasi sine na seko nae! God mara kasi vamao na pata nae na doka go aro!”

Matiu 17:22

Ṉalu osiqira disipoloro iri lama kameka ko lupoe Qalili, Jesu i sine ne qira, “Era Tuna basoe i garogaro tarina pala vazao ve de iri koego basoero ne,

Maka 9:10

Iri vaogote to ria tarapisa pata i sine ne qira go Jesu, do loborona ko ria tarapisa iri vari sine ne ria tane sauna pataro dena iri go, “Avana tane koro vatalukasa zego ia too napu me tepa le i sine go?”

Maka 9:32

Do ria disipoloro ia ne iriki nanao rove so kaega vari vatatana dena, tanego iri sareki ne tana ne na ia.

Luka 18:34

Do disipoloro ia iriki nanao rove so kaega talupasana pata ni sine go Jesu, tanego i pipika ne qira, iago iriki rove so kaega talupasana pataro ni sine go Jesu.

Luka 2:50

Do iruki nanao rove so kaega talupasana pata ni sine ne qiru go Jesu.

Luka 9:46

Ria disipoloro ne iri vari valegu tanuqira, sauna akena tane i kenaqa ne qira go.

Tarama Velaka Ia Jesu Kristo I Karo Go Jon 12:16

Disipoloro ia Jesu iriki nanao rove kaega pataro dena, do taramuzina Jesu i too napu me tepa le mana i popoka ule za rani ne, iri ara nanao ule zaqe Buka tabo ne i sine bana sekoro igogo ne sauna Jesu, mana basoero ne iri va voto go.

Tarama Velaka Ia Jesu Kristo I Karo Go Jon 12:34

Basoero ne, iri go de, “Do Tamana remu igo, Kristo tiniki rove kaega le. Iago avigo tane qo sine go Tuna basoe tarina vaidoko ne go? Akena tane i Tuna go basoe ne?”

Tarama Velaka Ia Jesu Kristo I Karo Go Jon 14:5

Tomasi i vane de ia, “Batu remu qimuki rove kaega, de qo vele zae go aro, iago avigo timuna rove go remu zuka igo za go de qo vele zae go nae?”

Tarama Velaka Ia Jesu Kristo I Karo Go Jon 4:33

Ria disipoloro ia iri vari goe dena tanuqira, “Avigo kaki basoe i teke bana ne pata gege?”