Luka 9:44 - Vato Vari Vakameka Voru Ia Batu Ne

⁴⁴ Muniki nanao kasupe ne pata qa vele sine ne qamu go, “Era Tuna basoe tarina pala va zao ve karaputa ria basoero ne.”

Luka 9:44 ပူးပေါင်းရင်းမြစ်များ

Matiu 16:21

Tupi to ṉalu nae, Jesu i lete vatatana velaka qira disipoloro ia igo, “Era tuna za bana eso Jerusalema, tuna za pala ze vokara de iri koego vano kazigarata, vano batu ria patere ro mana vano vari vatatana na Tamana go. Tarina vae vale ava, do taramuzina so kapisa musaqara era tuna too napu me.”

Matiu 26:2

“Ramu qamu rove zarika tina kelo na musaqara nanao taruna na ṉalu God i vasiporo qirae vano Izirel tepa Izipito. Mana ṉalu nae to tarina pala va go era Tuna basoe mana tarina paqipaqi ve koluse ne.”

Maka 8:31

Gonae Jesu i vatatana qira disipoloro ia igo, “Era Tuna basoe tuna pala vokara tanego tariniki soko ava kaega. Ria to vano kazigarata ro, vano batu ria patere ro, vano vari vatatana na tamana go. Ria to nae tarina vae vale ava, do taramuzina kapisa musaqara era tuna too napu me tepa le ne.”

Maka 9:31

tanego ivatatana qira disipoloro ia mana ivane qira dena, “Era Tuna basoe tarina pala vazao ve karaputa ria basoero ne, go tarina vae vale ava go, do taramuzina vapisana musaqara tuna too napu me.

Luka 1:66

Osiqira ria iri gata go iri va zazao ze nanao qira, mana iri tana, “Ava tina zago tane sale dena, ṉalu tina za lavata go?” Osiqira ne iri mia bana to karaputa ia Batu ne, ikoe de ikoego ia.

Luka 18:31

Jesu i pala vamiki qira ria manoga karua disipoloro ia mana i sine ne qira, “Gata! Ita mata zae Jerusalema, de igogo ne osina seko ro iri sine bana go ria propeta ro ne, tina lama sadaka ogoto.

Luka 2:19

Maria i nanao tarua osina pataro, dena, mana i nanao vamazale go.

Luka 2:51

Jesu i lulu ne qiru, goto nae iri gado ule za Nazaret, mana iza osaka ne qiru, mana sinana i babana ze so puṉuna osina to seko ro ni gogo ne.

Luka 24:44

Mana i sine ne qira, “Iato dena pataro tina sadaka go gerena so qa sine bana go, torana qako tavisi qamu go, osina pataro sauqu era ni karo ego Tamana ia Mosese, pataro iri karo go ria propeta ro, mana buka na Kera ne tina lama sadaka ogoto lupo so.”

Luka 9:22

I sine napu ne qira, “Era Tuna basoe tuna lete vokara, tariniki soko ava kaega vano kazigarata ro, batu ria Patere ro mana vano tarove na tamana, tarina vae vale ava, do taramuzina kapisa musaqara era tuna too napu me.”

Tarama Velaka Ia Jesu Kristo I Karo Go Jon 16:31

Gonae Jesu i vane qira de, “Ninidena qamu vaogoto to?

Tarama Velaka Ia Jesu Kristo I Karo Go Jon 16:4

Do pataro nae era qa sine ne qamu to dena, go ṉalu tarina zazu ne ze de qamu koego pataro nae, ramu muna nanao ule zaqe pataro qa sine bana ne qamu go. Pataro dena qaki sine bana ne qamu kaega kokoso na me, tanego pasi nae ne, era qa ko tavisi qamu.

Tarama Velaka Ia Jesu Kristo I Karo Go Jon 19:11

Jesu i vataule ne ia, igo, “Ṉalu taraki teke nigo kaega God karaputa nae, i makuri go tono sivala nava era, do basoe i valama ve era deqo koego aro tane iri lete kebu go.”

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.