Luka 9:26 - Vato Vari Vakameka Voru Ia Batu Ne

²⁶ Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Luka 9:26 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Tarama Velaka Ia Jesu Kristo I Karo Go Jon 12:43

Iri soko so basoero ne tarina nanao vamazala qira, do iriki nanao rove kaega, nanao va mazala ia God i lete velaka go.

Tarama Velaka Ia Jesu Kristo I Karo Go Jon 5:44

Ramu qamu soko basoero ne tarina vazakazaka qamu, ba de i koego God, ramu qamuki nanao kaega zazu ne na kaki pata, go God mara mia vazakazaka qamu, igo nae iago, ramu i makuru bana so tamuna vaogoto ava go era.

Zazu Ria Apostoloro 10:22

Iri vataule, “Konilias batu ria vano soldia, i turine qemu go, i valeke velaka mana i vazaka God, mana osiqira vano Jiu iri mia vamazale ia. Aqelo ia God i sine ne ia tina koru vakeba zigoe aro pade ia, go mara gata go pataro tono sine go aro.”

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Karua Korinti 12:10

Iago qa kula qa vokara ne sauna Kristo, qaki va kapata kaega ṉalu qa pela go, ba iri vasasakata nava, ba i kaega nava kapata, do era qaki vakapata so kaega vari vasasakatae ba makuru ro dena. Tanego ṉalu karaputa era i pela lupo, ṉalu nae era qa pala to karaputa ia Kristo.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Kameka Timoti 5:21

Loborona tarakenaqana God mana Jesu Kristo mana aqelo tabo ro, qa pene va karaputa go, ono lulua vari vatatana dena. Oniki tavisi ne qira so ke qo soko tanumu, do ono varitora lupo ne qira so.

Karua Timoti 1:12

Pata nae to era qa gata vokara ne go de, do qaki agava ne kaega, tanego qa rove velake basoe qa vaogote go. Mana qa rove ia tina miasoka velake Tarama Velaka dena i taru ze de qa koego, go tina za doka so musaqara muzimuzi go.

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Judi 1:14

Inoke i vaonomona to basoe ireqe mego tapoko ia Adamo, i sine bana me seko dena de iri koe go ria igo, “Muna mia! Batu ne tina lulu me qira mao na aqelo tabo ia

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 20:11

Gonae qa reṉa napu ne kameka de kolokoloku ia batu, i lete kakasa go, mana kameka basoe i kolokue go. Gonae rani mana pua iru zaga mana kaega to ka basoe iara miasoka qiru go.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.