Luka 9:11 - Vato Vari Vakameka Voru Ia Batu Ne

¹¹ Ṉalu basoero iri gata de izae go ia, iri kale muzi ne ia, i koru qira mana i pepeu ne qira dego Too ikoego vari miasoka ia God mana iva velaka qira basoero iri soko go velaka.

Luka 9:11 ပူးပေါင်းရင်းမြစ်များ

Matiu 12:15

Jesu i rove kakiaro basoero iri nanao vae vale na ia, iago i kasi ne de go. Topu basoero iri lulu muzi ne ia, mana i vatavoisi qira basoero iri mokoso go.

Matiu 14:14

Ṉalu Jesu i za dokae rikisi ne i mia qira topu sasakata basoero, puṉuna i lete nanao qira mana i vatavoisi qira vano iri mokoso go.

Matiu 21:31

Iago, ade ke riru tamakena dena, iru zazu nego pata i soko go tamaqiru?” Iri vataule, “Ke lavata ne,” iri go. Jesu i sine ne qira, “Masine ne qamu pata ogoto, vano palapala takisi mana qolero iri volivoli ne go tokamaqira sauna too sakata ro, tarina za kenaqa ne qamue ramu de ikoego vari miasoka ia God.

Matiu 21:43

Iago ma sine ne qamu, Too ikoego vari miasoka ia God, tarina pala vakuziki ne qamue, mana teke ne qira basoero kakavata go tarina mazala teke zaqe God pata i soko go.”

Luka 1:53

Ria iri saqo go, i teke ne qira topu na pata velaka ro mana ria iri vavagado go, ituri vazao qira mana kapata iriki pala kaega.

Luka 5:31

Jesu i vataule ne qira igo dena, “Vano iri velaka go iriki soko kaega valeke vari vole, do ria iri mokoso go tane iri soko go valeke vari vole.

Luka 8:1

Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia,

Luka 8:10

Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”

Luka 9:10

Apostoloro ne iri ule me mana iri lama sine lupo ne Jesu osina pataro iri zazu ne. I lulu ne qira mana iri zaza vamiki to tanuqira, iri zae kaki komala vitoṉo na Betsaida.

Luka 9:12

I vele zunu zato saṉa ne, ria manoga karua disipoloro ne iri lamae dekoe Jesu mana iri sine ne, “Vagado qira basoero dena, go tarina zae komala ro ria mana de ikoego barue ria, go tarina taqia go kapata tarina ge go. Tanego ita qata lama koe de i kaega go pata gege na.”

Luka 9:2

Go nae ia i turine qira tarina za mana za vatatavata ne qira basoero ne, de go zazao na Too de ikoego vari miasoka ia God, mana za va velaka qira basoero i pala qira go soso mokoso ro ria go.

Tarama Velaka Ia Jesu Kristo I Karo Go Jon 4:34

Jesu igo de, “Pata gege era ne, tuna vaogote zazu ituri navae go Mamae, mana tuna valupo zazu ia iteke nava na zazu ne go.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Zazu Ria Apostoloro 28:31

I tarama ne Too ikoego vari miasoka ia God mana i vari vatatana ne sauna Batu Jesu Kristo, i seko va karaputa ne mana kaega ka basoe iara va noto ze go ia sauna tamana ne na too ikoe go vari miasoka ia God.

Leta Ia Pol I Karo Ne Qira Basoero Na Rom 10:14

Do ava tina gogo tarina pene go ia ṉalu iriki vaogote go kaega ia, mana ava tina go tarina vaogote go ia ṉalu iriki gata bana go kaega ka tarama na ia? Mana ava tina gogo tarina gata go ṉalu iriki tarama vasadaka bana ne girae go kaega?

Leta Ia Pol I Karo Ne Qira Basoero Na Rom 10:17

Iago, ita qata rove, vaogoto tina reqeme ṉalu qata gata go tarama, mana go tatana gata go Tarama Velaka ne, tina za reqeme ṉalu basoe i lama tarama ne sauna Kristo.

Leta Ia Pol I Karo Ne Qira Basoero Na Rom 15:3

Tanego Kristo iki zazu ne so kaega pata ni tavisi ne go tanuna. Gerena Buka tabo ne i sine bana go, “Seko sakata ro iri sine vasakata zigoe aro, iri vasakata zave so era.”

Karua Timoti 4:2

ono tarama ne Tarama Velaka ia God, patavolomo basoero ne tariniki soko kaega gata na. Ono lete pada ne va rove qirae basoero ne seko ogoto, ono pada ne vatotoloṉe na vatovato ria, mana ono tavisi ne qira go tarina ko karaputa go. Mana ono va velavelaka ne qira basoero ne, ṉalu tono vari vatatana go.

Iburu 4:16

Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.