Luka 8:35 - Vato Vari Vakameka Voru Ia Batu Ne

³⁵ Basoero ne iri za go mara za mia pataro nigogo ne iri go, mana ṉalu iri lama dokae de ikoego Jesu, iri za soba valeke ni pala go manuru sakata ne i kolokue tepa makena Jesu, i nanao tarove mana iara va baribari to, mana basoero ne iri lete sareki go.

Luka 8:35 ပူးပေါင်းရင်းမြစ်များ

Matiu 4:24

Pepeuna dego Jesu i lupoe osina vudu na Siria. Ria ivae qira go pata vokara mana i pala qira soso mokoso ro, ria i siqane qira manuru sakata, ria ivae qira kakaepale mana ria i makuru vizu tokamaqira gogone iri valama qirae so dekoe Jesu mana iva velaka lupo qira.

Maka 5:15

Ṉalu iri lama dokae de ikoego Jesu iri za soba valeke ni pala go manuru sakata ro ne i kolokue degogo ne iara vabaribari mana nanao na iara tarove to go. Do vano iri mia go iri lete sareki.

Luka 10:39

Mata iko ne kameka kaena qole vitoṉo na Maria. Gonae i lama koloku garogaro Batu ne mana igata vari vatatana ro ia.

Luka 15:17

I umata aqe de suka i pala nanao igo, ‘Topu vano zazu iri zazu nego mamae, i topu pata gege iri ge go. Avana to era qa lama le nego saqo dena!

Luka 2:46

Vapisana to musaqara, iru za soba ze loborona Pade Lotu ne, iza koloku tavisi qira vano tarove na tamana i gatagata mana i tana ne qira kavia ro tana go.

Luka 8:27

Jesu i kasi ne koluka ne mana i siporo za rikisi ne, i soba kameka valeke na komala ni gogo ne, valeke ni gogo ne i siqane manuru sakata. I umata sakata to valeke dena iki va baribari so kaega, mana iki koe so kaega komala ne, do loda na ko ivae go ne, ia iza koe so de vari vou ne.

Luka 8:34

Ria basoero iri miasoka go boko ne iri mia pata ni sadaka go, iri teteṉe za komala mana iri za pepeu ze komala lavata ro mana komala suka ro.

Zazu Ria Apostoloro 22:3

Era qa valeke Jiu, qa podo e komala Tarsus, loborona vudu Silisia, do era qa lama e Jerusalema mana qa sale sikulu ia Qamalia. Iva tatana ve era dego tuna miasoka ba lulu velaka na tamana ro iri lulu bana mego kazigarata bana ro ita, mana era qa teke too era de go qa zazu ne God, gere so osiqita qata ko go de ninidena.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.