Luka 8:33 - Vato Vari Vakameka Voru Ia Batu Ne

³³ Manuru ro ne iri siporo e to valeke ne mana iri zae de iri koego boko ro ne, pasi nae osina boko ro nae ne iri teteṉe qoqoroe kubolo ne mana iri za soru e loka ne mana iri za le lupo so.

Luka 8:33 ပူးပေါင်းရင်းမြစ်များ

Matiu 8:32

Jesu i sine ne qira, “Muna za,” gonae iri kasine qiru riru iri totoloṉo zaso de iri koe boko ro ne. Pasi nae topuna to bokoro nae iri teteṉe za rikisina baba ne soru za masi ne uqi lupo so iri go.

Luka 5:1

Kaki kameka musaqara Jesu i degere rikisina masi pipika na Genesaret, topu ria basoero iri lama teṉokolo ia, iri vari vaiki iki go mara ria gata seko ia God.

Luka 8:32

Topu sasakata boko ro iri za ṉaṉae tepa kubolo ne, ria manuru ro ne iri pene Jesu go mara vazao qirae de iri koego boko ro ne, gonae Jesu iva mao ne qira.

Luka 8:34

Ria basoero iri miasoka go boko ne iri mia pata ni sadaka go, iri teteṉe za komala mana iri za pepeu ze komala lavata ro mana komala suka ro.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Revaleson 9:11

Iko ne qira batu lavata ria, mana ianae ne aqelo i miasoka go ununa ne. Seko va Iburu iri koru ze Abadoni, vano Qrik iri koru ze Apolina, talupasana, valeke i vasakate go osina ro pata.