Luka 8:14 - Vato Vari Vakameka Voru Ia Batu Ne

¹⁴ Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Luka 8:14 ပူးပေါင်းရင်းမြစ်များ

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Maka 4:19

do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego.

Luka 16:13

I kaega ka basoe zazu tina mazala go osaka ne karua batu, tina vasasakata ne kakia mana mamaligara ne kakia, tina nanao vamazale kakia mana taru va qoqore kakia. Iago i makuru qamu tamuna vamazale God mana pata vavagado na pua dena.”

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 8:13

Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne.

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Luka 8:7

Kakiaro paturu ne iri sorue de ikoego qolo paqo ro iago ṉalu iri podo me, qolo ne i pipisi vale qira.

Tarama Velaka Ia Jesu Kristo I Karo Go Jon 15:6

Ṉalu basoe iki ko vanadue kaega de qa koego era, tina gere to paqara iri koboro vakuziki ne go mana iri vanaqe, go i za le go, paqara ro igogo de go, tarina pala mana vanaqe qira qe nako ne.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Karua Timoti 4:10

Qa rove Demas, ia i kasi nava era, tanego i lete mamaligara ne patana ro vudu pua dena, mana i za banae to Tesalonika go. Kresen i za banae to Qalesia mana Taetusi i za bana to Dalmatia go.

Iburu 6:1

Ita mata ziki napu za, mata pala varivatatana i tora qira go vano i lavata bana go vaogoto ria, mana mata taru ze muzi qita varivatatana qata gata kenaga bana go. Mata kasi varivatatana napu ne pata qata rove bana go, gere dego qata mazala go vana ne vatovato sakata ro i mazala go vae vale qita, mana dego qata mazala go vaogote na God.