Luka 8:13 - Vato Vari Vakameka Voru Ia Batu Ne

¹³ Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne.

Luka 8:13 ပူးပေါင်းရင်းမြစ်များ

Maka 6:20

Tanego Erode i sareki ne Jon, sauna Jon i valeke totoloṉo mana i valeke tabo. Iago, i miasoka velake so ia. Patavolomo i sine vokara ne go ia pata kebu ro i zazu ne go.

Luka 8:12

Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega.

Luka 8:14

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Tarama Velaka Ia Jesu Kristo I Karo Go Jon 15:2

Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.

Tarama Velaka Ia Jesu Kristo I Karo Go Jon 15:6

Ṉalu basoe iki ko vanadue kaega de qa koego era, tina gere to paqara iri koboro vakuziki ne go mana iri vanaqe, go i za le go, paqara ro igogo de go, tarina pala mana vanaqe qira qe nako ne.

Tarama Velaka Ia Jesu Kristo I Karo Go Jon 5:35

Jon i gere pazi, i kamu taru mana i tatavata go, do desuka so ṉalu ramu qamu kula ne go seko ro ia.

Kameka Korinti 13:2

Ṉalu tara ko nava karaputa go na sine vasadake seko ia God, ba tu lete tarove mana tu nanao rove osina pata pupuika, mana tu toṉove osina vaogoto go tu vazikia kubolo ro, do ṉalu qaki mamaligara ne qira kaega basoero ne, era qa patavolomo so.

Kameka Korinti 15:2

Iato nae Tarama Velaka qa tarama ne qamu go. Ṉalu tamuna pala taru vanadua go Tarama Velaka ne, ramu tamuna za kavele, do ṉalu qamuki vanadua kaega Tarama Velaka ne, vaogoto ramu tina patavolomo so.

Qalesia 3:1

Ramu vano Qalesia qamu vano bulaṉoe! Akena to i poqe qamu go i toqo vakakavata qamu go na? Ramu qamu gata va velaka bana me pepeu na Jesu Kristo ile go koluse, qi sine bana ne qamu go.

Qalesia 3:4

Avigo osina pataro iri doka bana qamu go iri patavolomo so ba? Kaega! Iko talukasana tane pataro nae!

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kolosia 2:7

Vanadu ze too ramu de ikoego ia, zazu vanaduze pade ramu de i koego ia, mana vamoqere vaogoto ramu, gerena iri vatatana bana qamue go, mana osina ṉalu muna seko velake ia.

Kameka Tesalonika 3:5

Ia to nae tago qa turine zatu go Timoti go mara garetu rove vaogoto raramu. Era qa nanao vokara ne, Satana niki pada ne qamu ramu, niki go osina zazu ro reremu za patavolomo so go.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Iburu 10:39

Do ita qatiki basoero na kaega tabali ule mana rore go, do ita qata vaogote God ia tina vakavele qita go.

Jemisi 2:26

Iago igerena napu so tokama, ṉalu madau ikasi ne go ia, tokama i le to. Mana qerena napu so vaogoto iki vasadake go kaega zazu velaka, vaogoto nae ile napu so go.

Karua Pita 2:20

Ṉalu basoero iri rove va velake go Jesu Kristo Batu ita mana vari vakavele ita igogo ne, tarinara mazala go ko talukasena too sakata na vudu pua. Do ṉalu iri zazu napu ne go too sakata ro dena sakata ro ria tina sivala ne to kokoso na bana me ne.

Karua Pita 2:22

Pata i doka qira go ne, i vasadaka ogoto me to kaki seko vapadapada ogoto igo dena, “Sika i lua mana i ge napua mana boko i seqe lupo mana za kuru napu ne lomi go.”

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.

Judi 1:12

Basoero nae iri gere poṉo ro ikoego pata gege qamu vari ge ne go. Qamu kameka ṉaṉa, do iriki sareki kaega tanego iri nanao so tanuqira. Iri gere toba i kaega go ka nare ikoego, tanego seva i kiuri vatelo za. Iri gere moki ro i kaega go ure qira ṉalu i doka go ṉalu tarina ure go. Iago vano zazu iri toqo rapusu qira mana taru qira gogo iri le go.