Luka 6:30 - Vato Vari Vakameka Voru Ia Batu Ne

³⁰ Ṉalu kaki basoe i pene zigoe kaki pata, ono teke ne. Ṉalu kaki basoe i pala zigoe kakia patapata aro, oniki pene vaule ze.

Luka 6:30 ပူးပေါင်းရင်းမြစ်များ

Matiu 18:35

Iago Jesu igo, “Mamae ikoego rani ne tina go napu so, ṉalu qamuki nanao ule ogoto ne qira kaega onotoqamu ro.”

Matiu 5:39

Do ma sine ne qamu seko dena, oniki biru ne kaki seko basoe iva sasakata ni go. Ṉalu basoe i lakape papara mataumu teke napu ne kene papara.

Matiu 6:12

Ono nanao ulene qemu remu sauna pataro qimu vasakate go, gerena remu qemu nanao ule ne qira ria basoero iri vasakata qemu go.

Luka 11:41

Iago muna teke ne qira basoero situ pataro ikoe loborona kapu mana ebata ramu, go ia osina ro pata tina daloe de qamu koe ramu.

Luka 12:33

Volivoli ne osina patapata ro ramu, mana teke ne qira kesa na vano iri situ go. Pala tanuqamu pata tarutaru kesa iki rove go kaega taridaka, mana babana ze vavagado ramu rani ne, de iki mazala go kaega za qoqoro. Tanego i kaega ka basoe sikosiko tina pala go mana kokorosi tina va sakate go.

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 6:29

Ṉalu kaki basoe i posare kameka tepa paparamu, vamao ne ia mara posara napua kene papara. Ṉalu kaki basoe ipala zigoe poga loda aro, vamao napu ne ia mara pala napua roku aro.

Luka 6:31

Ramu muna zazu ne ze de iri koego kero ne basoero ne, pata qamu soko go, mara zazu ne ze de qamu koego tanuqamu.

Luka 6:38

Muna soso ne qira basoero ne, go God tinara teke ne qamu. Pata ogoto, tina gere valeke i vapurake kuza ia, i patu vaqoqoro zaqe mana i vizua go i puraka sosoru. Tina go to nae de tina teke ne qamu go God, tanego deqamu soso ne go tina gere napua so de i tamuna pala vaule go.”

Zazu Ria Apostoloro 20:35

Era qa va mia lupo bana qamu e osina pataro, tanego ṉalu qata zazu vokara ne ia dena, ita qata mazala to tavisi ne qira vano iri pela go. Muna nanao tarua seko i sine go tanuna Jesu Batu ne ego, T topue kulakula ṉalu qo soso ne, gerena so ṉalu qo pala go.’ ”

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Epesus 4:28

Basoe i poro sikosiko bana go mara mamanava siko, mana mara zazu, go tina pala go pata totoloṉo tina tavisi ne tanuna, mana vano iri ko situ go.