Luka 6:28 - Vato Vari Vakameka Voru Ia Batu Ne

²⁸ Pene God mara va makaolo ne qira ria iri tulaṉa ne qamu mana pene ne qira ria iri va sasakata ne qamu go.

Luka 6:28 ပူးပေါင်းရင်းမြစ်များ

Matiu 5:44

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

Luka 23:34

Jesu igo, “Mamae ono nanao ule ne qira, tanego iriki rove kaega pata iri zazu ne go.” Iri kenakena poga ro ia, mana iri ara vaqiso daisi ne go.

Luka 6:27

Jesu i sine napu ne qira, “Do! Ma sine ne qamu, ramu qamu gata go seko era dena, muna mamaligara ne qira ria iri va sasakata ne qamu go, mana va velaka ne qira vano iriki soko qamu go kaega.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Zazu Ria Apostoloro 14:5

Gonae kakia ro ria vano iriki Jiu go kaega, mana vano Jiu, ria to vano kenakenaqa ro ria gogo ne iri nanao tarina vasakata qira apostoloro ne, mana vana vale qirae ipaka go.

Zazu Ria Apostoloro 7:60

I koloku tutuṉu mana i dae valavata, “Batu e, oniki nanao tarua vasakata pata dena de iri koego.” I sine to seko dena mana iara le go.

Leta Ia Pol I Karo Ne Qira Basoero Na Rom 12:14

Pene God go mara vamakaolo qira vano iri vasasakata ne qamu go. Pata ogoto muna pene iago mara va makaolo qira, do muniki tulaṉa ne qira.

Kameka Korinti 4:12

Remu qi lete zazu vokara loboro ko remu, ṉalu basoero iri damu qemu, remu qi manava ne qira. Ṉalu iri vasasakata ne qemu, remu qi toqe ne qira so,

Jemisi 3:10

Avigo tane sekona varivakula mana seko na tulaṉa go iru kameka reqeme so kameka saqe gogo na? Ke ramu turaquro, vatovato igogo dena tarakasi sadaka me.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.