Luka 6:27 - Vato Vari Vakameka Voru Ia Batu Ne

²⁷ Jesu i sine napu ne qira, “Do! Ma sine ne qamu, ramu qamu gata go seko era dena, muna mamaligara ne qira ria iri va sasakata ne qamu go, mana va velaka ne qira vano iriki soko qamu go kaega.

Luka 6:27 ပူးပေါင်းရင်းမြစ်များ

Maka 4:24

Jesu i sine napu ne qira, “Muna gata va velake ramu pata qamu gata go dena. Vatovato qamu varitanae ne qirae go basoero ne, iato tina varitanae napu ne qamue go God, do tina za teke ne qamu makuru na.

Luka 23:34

Jesu igo, “Mamae ono nanao ule ne qira, tanego iriki rove kaega pata iri zazu ne go.” Iri kenakena poga ro ia, mana iri ara vaqiso daisi ne go.

Luka 6:22

Kula ramu iriki soko qamu go kaega basoero ne, iri sila qamu, iri seko sakata qamu, mana iri vagere qamu e vano vatovato sakata, tanego i sauqu era.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Luka 8:18

Muna miasoka ṉalu qamu vavaroṉono ne go pata, tanego ka basoe i kone go, God tina teke vatopu napu ne, do ka basoe i kaega ne, pata volomo de suka i kone go, God tina pala vakuziki lupo ne.”

Luka 8:8

Mana kakiaro iri sorue pua velaka, iri podo velaka mana iri ure velaka go, kakiaro i kameka vasa to urena.” Mana Jesu i sine napua igo, “Gata! Ṉalu go iko qeqele qamu.”

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 16:28

Do Pol i lete koru valavata me igo, “Kasi va paleka na tanumu! Remu qiko lupo so dena.”

Zazu Ria Apostoloro 7:60

I koloku tutuṉu mana i dae valavata, “Batu e, oniki nanao tarua vasakata pata dena de iri koego.” I sine to seko dena mana iara le go.

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Kapisa Jon 1:11

Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.