Luka 6:23 - Vato Vari Vakameka Voru Ia Batu Ne

²³ Kula ṉalu i doka go pata ro nae, muna veqa mana kula go. Tanego voli qamu i lete lavata e tepa rani ne. Ia dena to de iri gogo vano kazigarata ria, de iri vane qira go ria propeta ro ne.

Luka 6:23 ပူးပေါင်းရင်းမြစ်များ

Matiu 5:12

Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Luka 1:41

Pasi Elizabet i gata seko na Maria, sale ni koego sopana Elizabet i vizu, mana Elizabet i purake Spirit tabo.

Luka 1:44

Tanego pasi qara gata go sekomu aro, sale ni koego sopaqu ne, i soqa mana ikula.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Zazu Ria Apostoloro 14:10

mana i seko valavata, “Degere, vadoke makemu.” Valeke ne i soqa mana i tupi zaza ne.

Zazu Ria Apostoloro 3:8

i soqa vazakazaka, i degere mana i tupi zaza ne. Gonae i lulu ne qiru iri keba za loborona Pade Lotu ne, i zaza i soqa mana i vazaka God.

Zazu Ria Apostoloro 5:41

Pasi ria apostoloro ne iri kasi ne qira vano pepeu ne, iri lete kula, tanego God i vine qira tarina pala kimata tanego i sauna zazu ia Jesu.

Leta Ia Pol I Karo Ne Qira Basoero Na Rom 5:3

Ita mata kula napu ne ita tane makuru ro qata soba go dena, tanego ita gata rove makuru ro dena to tinara vanadu qita go ita,

Karua Korinti 12:10

Iago qa kula qa vokara ne sauna Kristo, qaki va kapata kaega ṉalu qa pela go, ba iri vasasakata nava, ba i kaega nava kapata, do era qaki vakapata so kaega vari vasasakatae ba makuru ro dena. Tanego ṉalu karaputa era i pela lupo, ṉalu nae era qa pala to karaputa ia Kristo.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Iburu 11:6

Kaega ka basoe i mazala vakula na God ṉalu ia iki vaogote kaega ia, tanego basoe i soko go lama garogaro na God, ia tina vaogote God i ko, mana tina vaogote God tina tekene qira voli ria iri taqia go tanuna go.

Jemisi 1:2

Ramu turaquro, muna nanao rove tanuqamu, ramu qamu maṉana ṉalu qamu soba go soso adoadona makuru,

Kameka Pita 4:13

Do ramu muna kula qamu pala tavise go vokara ia Kristo, go ia ramu tamuna lete kula tavise ia, ṉalu tina sadaka mego karaputa lavata ia God.

Revaleson 2:17

Ramu iko go qeqele qamu, muna gata seko ia Spirit tabo iri sine ne qira go eklesia ro ianae. Basoe i karaputa ego varitara nae, era tuna teke ne ia mana tina gego. Mana dena i patagege i ko pipika bana meso ṉalu bana ne. Nogoto qira basoero nae era tuna teke ne qira ipaka kakasa. Ipaka kakasa nae i karoe kameka vitoṉo voru. Tanuna so basoe i pala go ipaka nae, tina rove go vitoṉo nae, basoe kakavata niki rove kaega.”

Revaleson 2:26

Basoero iri karaputa nego varitara dena, mana pala soma so zazu velaka era, go za dokae ṉalu vudu pua tina za lupo gogo ne, era tuna teke ne qira karaputa go tarina kenaqa ne ze go sinaqe na vudu pua ne.

Revaleson 2:7

Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.