Luka 6:20 - Vato Vari Vakameka Voru Ia Batu Ne

²⁰ Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Luka 6:20 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 5:1

Jesu i mia qira topu sasakata basoero gonae i popoka za kubolo iza koloku. Mana ria disipoloro ia iri lama teṉo kolo ia.

Luka 12:32

Jesu igo, “Muniki sareki sinaqe suka. Tamaqamu i lete soko qamue de ikoego vari miasoka ia.

Luka 13:28

Ramu tamuna dae mana vari kizakiza ne saqe qamu, ṉalu tamuna mia Abra-am, Aisak mana Jekop mana propeta ro iri koego Too ikoego vari miasoka ia God. Do ramu tarina kakale vasiporo qamue komala nae.

Luka 14:15

Kaki kameka valeke i koloku tavisi qirae go tevolo ne, i gata pataro i sine ne Jesu, igo, “Avana to ka kula qira basoero tarina za koloku mana ṉaṉa tavisi go Too ikoego vari miasoka ia God.”

Luka 16:25

Do Abra-am i vataule ne ia igo, ‘Nanaotarua sale era, ara too qo vaego qo pala lupo bana to osina pata velaka, mana Lazarus i pala topu na pata sakata ro. Do ninidena Lazarus i lama koe kulakula, mana aro qo pala to vokara.

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Karua Korinti 6:10

Patavolomo ṉalu qi maqata, remu qi kula taru so, qi gere qira vano situ, do qi teke qira pata vavagado topu ria basoero, i gerena i kaega ne qemu kapata, do remu i kone qemu topu na pata.

Karua Korinti 8:2

Topu na makuru iri soba, i lete pada ne vaogoto ria, do loborona makuru ro nae, ria iri lete kulakula. Iri vano situ, do iri vasadake kula ria, iri teke qira basoero kakavata sosovolomo ro ria.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Karua Tesalonika 1:5

Osina pata ro dena i vasadake varitanae ia God de iri koego basoero ne itotoloṉo, mana urena pataro dena, ramu itora qamu to pala na Too ikoego vari miasoka ia God, sauna vokara ro ramu.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.