Luka 6:19 - Vato Vari Vakameka Voru Ia Batu Ne

¹⁹ Osiqira basoero ne iri lete soko sibana Jesu, tanego karaputa isipore de ikoe ia i vavelaka lupo qira.

Luka 6:19 ပူးပေါင်းရင်းမြစ်များ

Matiu 14:36

Basoero ne iri pene Jesu go mara vamao ne qira vano mokoso mara ria siba tumu na roku ia, go tina va tavoisi qira, mara osiqira ria iri siba go, iri tavoisi lupo to.

Maka 3:10

Iva velaka qira basoero iri mokoso mana vano mokoso nae iri vari tutubele ne kadigo mara ria lama siba ia iri go.

Maka 5:30

Torana so nae Jesu i gata rove karaputa ia i sipore go tokamana, gonae i tabali ule qira basoero topu ne mana i tana, “Akena tane i siba go roku rera?” igo.

Maka 6:56

Osina dia i zae go Jesu, komala sukasuka ro mana komala lavata ro ba ka rikirikisi go ni zae go to ia, basoero ne tarina pala bana meso vano mokoso ro iri kekele go vesu ro ria, mana iri lama pene ia go mara vamao ne qira sibana roku loda ia ne iri go. Ṉalu iri siba go osiqira iri velaka lupo so go.

Maka 8:22

Ṉalu iri lama dokae go Betsaida, kakiaro basoe iri pala me kameka valeke kodo de ikoego Jesu, mana iri lete pene iago mara siba valeke ne iri go.

Luka 5:17

Kaki kameka musaqara, ṉalu Jesu ivari vatatana, kaki ria vano Parisio mana vano tarove na tamana iri ko tavisi go iri reqe me osina komala na ro Qalili, Judia, mana komala lavata Jerusalema go. Gonae karaputa ia God ikoe de ikoego Jesu, iva velake mokoso ro ria basoero ne.

Luka 6:18

Basoero iri lama go, iri soko gata na seko ia Jesu, mana iri soko napua ia, go tina vatavoese soso mokoso ro i pala qira, mana ria i pala qira go manuru sakata ro, iri lama napu so, mana iri velaka lupo.

Zazu Ria Apostoloro 19:12

Patavolomo aqisi mana roku ia, iva zazua so, ṉalu iri pala vazao ze de iri koego basoero iri mokoso go, iri tavoesi lupo, mana vano i siqane qira manuru sakata ro, iri velaka lupo go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.