Luka 6:13 - Vato Vari Vakameka Voru Ia Batu Ne

¹³ I doka to musaqara Jesu i koru qira disipoloro ia mana i vine qira manoga karua ria, i vitoṉo qirae apostoloro.

Luka 6:13 ပူးပေါင်းရင်းမြစ်များ

Matiu 10:2

Iato dena vitoṉo qira, manoga karua disipoloro ne, ke kenaqa, Saimon iri vitoṉo ze Pita, mana kaena ia Aduru, Jemisi mana Jon, karua sale ia Zebedi.

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Matiu 9:36

Ṉalu Jesu i mia qira basoero ne i lete vananame de iri gogo, tanego iriki ko kula kaega iri ko vana so, gere sipi ikaega go kaki tina miasoka qira go.

Maka 6:30

Ṉalu ria apostoloro ne iri ule me iri sine lupo ne Jesu osina pataro iri za zazu nego, mana pataro iri vatatana qirae go basoero ne go.

Maka 6:7

Jesu i koru qira manoga karua disipoloro ia mana iva zazao tara tararua qirae nogotona komakomala ro, mana ivane qira dena, “Qa teke ne qamu karaputa go tamuna kakale qirae go manuru sakata ro ne.”

Luka 11:49

Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’

Luka 22:30

Ramu tamuna ṉaṉa mana besi tavisi e tevolo na vari miasoka era mana ramu tamuna koloku e de kolokoloku ria batu ro, mana tamuna kenaqa, ne qira manoga karua sinaqe na Izirel.”

Luka 6:14

Saimon, i vitoṉo ze Pita mana kaena ia Aduru, Jemisi, mana Jon, Pilipi mana Batolomeu.

Tarama Velaka Ia Jesu Kristo I Karo Go Jon 4:33

Ria disipoloro ia iri vari goe dena tanuqira, “Avigo kaki basoe i teke bana ne pata gege?”

Zazu Ria Apostoloro 1:13

Iri za dokae komala Jerusalema iri keba za kova iri koego. Vitono qira, Pita, Jon, Jemisi mana Aduru, Pilipi mana Tomasi, Batolomeu, Matiu, Jemisi sale ia Alepiasi, Saimon Zeolot mana Jiudas sale ia Jemisi go.

Epesus 2:20

Ramu napu to go, qamu gere go pade izazu ne go God, mana ria to apostoloro mana propetaro ne to iri kutamana go. Tanuna to Kristo i turu maqana go pade ne.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Karua Pita 3:2

Qa soko ramu muna nanao tarua seko ro ria propeta tabo ro iri sine bana mego ṉalu bana ne, mana tamana ia Batu na vari vakavele iri teke ne qamu go apostoloro ne.

Revaleson 12:1

Gonae kameka pata vari vapoloso lavata sivala, i sadaka me varioka ne, kameka qole kazigarata dena, saṉa i damare go ia ne, igere baribari ia, mana inaqa ne i kube poka ze makena. Manoga karua domiri iri ko kolokolo e kuzukuna ne, i gerena topatopa ia ne.

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 21:14

Bari na komala lavata ne, i vakutama ne manoga karua ipaka lavata. Manoga karua ipaka dena iri karo ze vitoṉo qira manoga karua apostoloro ia Tunana Sipi ne.