Luka 6:12 - Vato Vari Vakameka Voru Ia Batu Ne

¹² Ṉalu igogo ne Jesu i popoka za kaki kubolo go tina za pene, mana lodana kuse nae ia i pene God.

Luka 6:12 ပူးပေါင်းရင်းမြစ်များ

Matiu 5:1

Jesu i mia qira topu sasakata basoero gonae i popoka za kubolo iza koloku. Mana ria disipoloro ia iri lama teṉo kolo ia.

Matiu 6:6

Ṉalu qamu pene go, za koe kova ramu mana kokoqua siporaṉa. Gonae munara pene go Tamaqamu qamuki mia go kaega, mana Tamaqamu i mia go pataro qamu zazu pipika nego, tinara voli qamu.

Maka 1:35

Iara tavuara me ia Jesu i kasi ne pade ne mana i zae kaki dia ikoe kaega basoe mana i za pene.

Maka 3:13

Gonae Jesu i popoka za kameka kubolo mana i koru qira ria i soko qira go. Ṉalu ria iri lamae de ikoego,

Maka 6:46

Ṉalu i vatarutaru lupo qira to basoero ne i popoka za kameka kubolo mana iza pene.

Luka 5:16

Do topu na ṉalu Jesu iza ko vamiki de i kaega basoe na iza pene.

Luka 6:11

Iri lete muma sasakata, mana iri za pepeu tanuqira, iri taqia kaki pata go tarina zazu ne ze go Jesu.

Luka 6:17

Ṉalu Jesu i qoqoro me kubolo ne, i lulu qira apostoloro ia, i za degere kaki dia i nabo mana topu ria disipoloro ia iri ko tavisi de go. Topu sasakata basoero iri koe de igogo ne, iri reqe me osina dia tepa Judia mana Jerusalema, mana karua komala iri koe rikisi masi, Taia mana Saidon.

Luka 9:18

Kaki kameka ṉalu Jesu i pene vamiki tanuna, gonae disipoloro ia iri lamae de ikoego ia. “Akena tane era iri go basoero ne?” I tana ne qira.

Luka 9:28

I sivala to kavitu musaqara sine i vae nego pataro dena, Jesu i lulu qira Pita Jon mana Jemisi iri popoka za kaki kubolo mana iri za pene.

Luka 9:29

Torana ṉalu iara za pene, tarakenaqana Jesu i kavala, mana poga ia ilete kakasa mana i damara.

Tarama Velaka Ia Jesu Kristo I Karo Go Jon 6:3

Jesu i popoka za kaki kubolo suka mana i koloku tavisi qira disipoloro ia.

Kolosia 4:2

Muniki mamanava pene, muna nanao velaka ṉalu qamu pene, seko velaka ne God.

Iburu 5:7

Ara too i vaego Jesu vudu pua, ne, ia i dae valavata mana i sone matana ṉalu i pepene ne tanuna mana kero ne basoero de i koego God, go mara vakavele ze ia tepa ia le. God i gata ia tanego Jesu i vaqoqore tanuna de koe God mana i osaka ne God go.