Luka 5:17 - Vato Vari Vakameka Voru Ia Batu Ne

¹⁷ Kaki kameka musaqara, ṉalu Jesu ivari vatatana, kaki ria vano Parisio mana vano tarove na tamana iri ko tavisi go iri reqe me osina komala na ro Qalili, Judia, mana komala lavata Jerusalema go. Gonae karaputa ia God ikoe de ikoego Jesu, iva velake mokoso ro ria basoero ne.

Luka 5:17 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 15:1

Taramuzina nae kakia ro vano Parisio mana vano vari vatatana na tamana iri reqe me Jerusalema mana iri zae de ikoego Jesu mana iri tana ne ia,

Maka 1:45

Do valeke ne iza tarama ze osina dia igoe go, iago sauna to ianae i makure Jesu za sadaka na komala ro iri koego basoero topu ne. Iago Jesu ikoe so de iriki koego kaega basoero ne. Do basoero ne ara lama mia so iri go.

Maka 16:18

Patavolomo iri siba go dole pani ba besia besi taravalu do tariniki le kaega. Mana karaputa nae ṉalu tarina sapu poka zego karisi qira basoero mokoso ria tarina velaka.”

Maka 3:22

Kakia ro ria vano vari vatatana na Tamana iri za reqeme Jerusalema iri go dena, “Valeke dena Belzebul tane isiqane go tokamana. Iago karaputa ia batu ria manuru ro dena tane i teke ne go ia karaputa go i kakale ze go manuru ro ne.”

Maka 5:30

Torana so nae Jesu i gata rove karaputa ia i sipore go tokamana, gonae i tabali ule qira basoero topu ne mana i tana, “Akena tane i siba go roku rera?” igo.

Maka 7:1

Kakiaro vano Parisio mana vano vari vatatana na Tamana iri za reqeme Jerusalema mana iri teṉoe de ikoego Jesu.

Luka 15:2

Do vano Parisio mana vano vari vatatana na Tamana iri tupi vari gozogozo nena Jesu, iri go, “Valeke dena isoko qira so vano sakata mana iṉana tavisi qira so go.”

Luka 2:46

Vapisana to musaqara, iru za soba ze loborona Pade Lotu ne, iza koloku tavisi qira vano tarove na tamana i gatagata mana i tana ne qira kavia ro tana go.

Luka 5:21

Ria vano tarove na Tamana mana vano Parisio iri nanao luluse seko ia Jesu, iri vari goe de tanuqira, “Akena tane valeke dena i seko sakate go God! Tanuna so God i mazala go lukasena vasakata pata.”

Luka 5:30

Kakia ro ria vano Parisio mana vano tarove na tamana, iri muma ne qira disipoloro ia Jesu. Iri go dena, “Avigo tane ramu qamu ṉaṉa mana ge loka tavisi qira go vano palapala takisi mana vano vasakata pata?”

Luka 6:19

Osiqira basoero ne iri lete soko sibana Jesu, tanego karaputa isipore de ikoe ia i vavelaka lupo qira.

Luka 7:30

Do vano Parisio mana vano tarove na tamana, iriki soko kaega za bapitemae de ikoego Jon, tanego iriki soko kaega vatovato velaka ia God.

Luka 8:46

Do Jesu igo, “Kaki basoe i siba va era, tanego era qa gata rove, karaputa i siporoe deqa koego era.”

Tarama Velaka Ia Jesu Kristo I Karo Go Jon 3:10

Jesu ivataule ne igo, “Aro qo kakia valeke vari vatatana lavata na Izirel, avigo qoki rove kaega pata dena?

Tarama Velaka Ia Jesu Kristo I Karo Go Jon 3:21

Do ṉalu ka basoe i zazu ne pataro i ogoto go, ia tina lamae tatavata, tanego i soko tatavata nae na vasadaka velaka ne osina pataro i zazu nego, tanego i vaogote God.”

Zazu Ria Apostoloro 19:11

God i teke mazala Pol, go tina zazu ne zazu vari vapoloso kakavata ro.

Zazu Ria Apostoloro 4:30

Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”

Zazu Ria Apostoloro 5:34

Do kaki kameka ria, valeke Parisio, vitoṉona Qamalia, ia i kakia valeke vari vatatana na Tamana, mana basoero ne iri mia vamazale ia. I degere loborona de pepeu ne, i sine ne qira vano iri miasoka qira apostoloro ne mara vasiporo qira tekere,