Luka 5:1 - Vato Vari Vakameka Voru Ia Batu Ne

¹ Kaki kameka musaqara Jesu i degere rikisina masi pipika na Genesaret, topu ria basoero iri lama teṉokolo ia, iri vari vaiki iki go mara ria gata seko ia God.

Luka 5:1 ပူးပေါင်းရင်းမြစ်များ

Matiu 11:12

Tupi me ṉalu Jon na bapitema i tarama nego seko ia God, go i lama doka to ninidena, topu basoero iri pada ne varitara mana vasakate na vari vatatana na Too ikoego vari miasoka ia God.

Matiu 14:34

Iri kavae masi pipika ne mana iri za dokae kaki dia iri vitono ze Qenasaret.

Maka 3:9

Iri lete topu sasakata basoero ne, iago Jesu i sine ne qira disipoloro ia, mara ria vanama kameka koluka go tina za kolokue go tariniki lama iki ago kaega, igo.

Maka 4:1

Jesu i vari vatatana napue rikisina masi pipika na Qalili. Topu sasakata basoero iri lama teṉo kolo ia. Iago Jesu i za kolokue loborona kameka koluka, mana basoero ne iri degere so rikisi karakoni na masi ne.

Maka 5:24

Iago Jesu i lulua to valeke ne, mana ṉalu iri zaza go topu sasakata basoero iri lulu muzi napu ne Jesu. Basoero iri lete topu, iago iri vari tutubeli ne go mara ria lamae de ikoe Jesu iri go.

Maka 6:53

Iri kava to kene kavana masi pipika ne mana za vosore to de iri vitoṉo ze Genesaret mana nae to iri doki taruze go koluka ria ne.

Luka 12:1

Kaki kameka ṉalu, mau na basoero iri lama teṉo, mana basoero ne iri vari kubekube dakiri go. Jesu i sine kenaqa ne qira disipoloro ia, “Muna miasoka seko poqepoqe ro ria vano Parisio, iri gere go isti, iri zazu ne go tatakiu.

Luka 5:2

Gonae Jesu i mia karua koluka iri raqasa ze karakoni rikisina masi, mana vano vae vae iṉana iri za sabore gabe ria.

Luka 8:22

Kaki kameka ṉalu Jesu mana disipoloro ia iri goe kameka koluka, Jesu i sine ne qira igo, “Ita mata kava za kedo tepa na masi pipika.” Iago iri zaza to.

Luka 8:23

Loborona zaza iri vae go, Jesu i kamuku, gonae kameka seva lavata i kikiuru katikili me masi pipika ne, mana koluka ne i tupi purake loka ne mana iri vele zunu.

Luka 8:33

Manuru ro ne iri siporo e to valeke ne mana iri zae de iri koego boko ro ne, pasi nae osina boko ro nae ne iri teteṉe qoqoroe kubolo ne mana iri za soru e loka ne mana iri za le lupo so.

Luka 8:45

Jesu i tana, “Akena i siba va era?” Pasi nae basoero ne iri legu vakaega, gonae Pita i sine ne Jesu, igo, “Batu! Topu sakata basoero iri liqutu kolo go mana iri vari tutubeli, go mara lamae deqo koego aro iri go.”

Tarama Velaka Ia Jesu Kristo I Karo Go Jon 1:40

Kaki kameka riru disipolo ne vitoṉona Aduru, kaena Saimon Pita.

Tarama Velaka Ia Jesu Kristo I Karo Go Jon 6:1

Taramuzina pataro dena, Jesu mana disipoloro ia iri kava za kene tepa na masi pipika na Qalili, iri vitoṉo napu ze so Taberiasi.

Iburu 13:7

Nanao taru qira ria iri kenaqa bana ne qamu go, iri tarama ne go seko ia God de qamu koego. Nanao ule zaqe de go koko ria go iri le go, muna lulua too ria, iri vasadake vaogoto ria de ikoego God.