Luka 4:35 - Vato Vari Vakameka Voru Ia Batu Ne

³⁵ Jesu i seko lavate manuru ne igo, “Kasi seko, mo kasi ne valeke nae.” Gonae manuru ne i vana va soru ze valeke ne tarakenaqa qira basoero ne, mana i paqa siporo za, do iki vapaleka kaega valeke ne.

Luka 4:35 ပူးပေါင်းရင်းမြစ်များ

Matiu 17:18

Gonae Jesu i seko lavate manuru sakata ne, gonae i kasi ne sale valeke ne, mana torana so nae sale ne i velaka to.

Matiu 8:26

Jesu i sine qira, “Avigo tane qamu lete sareki go? Vaogoto ramu dekoe God i lete suka bana so.” Gonae Jesu i degere i sine ne sokoro mana tubitubina masi tina bule. Goto nae sokoro ne i mamanava to mana masi ne iara lete bule velaka to, igo.

Maka 1:26

Manuru sakata ne ilete va nenedere tokamana valeke mana iva koru valavate ia mana iara siporo kasi nego valeke ne!”

Maka 4:39

Jesu gonae iza degere me, mana i seko lavate sokoro ne, “Mamanava to aro!” Mana i sine napu ne qira tubitubiro, “Noto” Pasi so nae masi ne i bule mana idalo go.

Maka 9:26

Manuru sakata ne i koru valavata i vana ze sale ne pua ne mana iza siporo me mana pasi nae sale ne igere pata ile, basoero ne iri go, “Ile to sale ne!”

Luka 11:22

Do ṉalu kaki valeke karaputa napu i lama mana i varitarae de ikoe valeke karaputa dena, iva qoqore ia pala osina pata varitara ro ia iva miasoka ze go sauna pade ia, mana i teke ne qira basoero iago.

Luka 4:23

Do Jesu i sine ne qira, “Pata ogoto qa rove tamuna teke nava era seko vapadapada dena valeke vari vole mo va velaki go tekere tanumu. Mana tamuna vane napu ava era dena, mo zazu ne ze komala aro dena pataro qimu gata bana zigoe qo zazu bana ne ze Kapanaum.”

Luka 4:39

Jesu iza mana i degere rikisina vesu ia qole ne mana i kakale mokoso ne, mokoso ne i kasi ne ia, qole ne i katikili degere mana i vanama ne qira ria pata gege.

Luka 4:41

Manuru sakata napu to go iri kasi ne qira basoero topu ne. Gonae iri koru va lavata iri go dena, “Aro qo Sale ia God!” Jesu i muma ne qira manuru ro, i vakaega qira tarina seko go, tanego iri rove ia i Kristo.

Luka 8:24

Disipoloro ne iri lete sareki mana iri za va dogare Jesu, “Batu! Batu!” iri go, “Ita qata garogaro to vele le.” Do Jesu i degere mana i sine ne sokoro mana oba go mara bule, mana i bule to go.

Luka 9:39

Kameka manuru sakata ivasakata tarua so ia, iato iva korukoru valavate go, mana manuru nae ne i poro va nenedere tokamana ia mana iva kuqu raporapo saqena go, manuru ne iki kasi neso kaega tokamana sale ne iva sasakata tarua so sale ne.

Luka 9:42

Pasi i lama za sale valeke ne, manuru sakata ne, ivae va soru ze ia pua ne mana i nenedere go, do Jesu i kakale manuru sakata ne mana iva velake sale valeke ne, goto nae i teke vaule ne tamana.

Revaleson 12:12

Iago rani ne, mana osiqamu qamu koego rani ne go, muna kula vudu pua ne mana masi ne go. Tanego Satana i lama qoqoro me de qamu koego. I lete muma sasakata, tanego i rove, ṉalu ia i lete pusi.”