Luka 4:18 - Vato Vari Vakameka Voru Ia Batu Ne

¹⁸ “Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Luka 4:18 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 12:18

“Valeke dena ne, iato qa vine bana go era, tina basoe zazu era go, mana iato qa lete mamaligara nego, mana qa lete kula ne go. Era na turine Spirit era go na kotavise ia, mana tina vasadaka ne qira basoero na kolabana pua vatovato totoloṉo.

Matiu 12:20

Ia tina va meloto ne qira vano iri pela go, mana tina manava ne qira ria i pela go nanao qira mana too ria go. Tina goso nae goza doka so ṉalu osiqira basoero ne tarina zazu ne vatovato totoloṉo ro.

Matiu 4:16

Ria basoero iri koe loborona rodoko tarinara mia tatavata lavata. Ria iri koe loborona pua rodoko iri koe go vano iri le go, tatavata tinara damare de iri koego.”

Matiu 5:3

“Kula vano iri situ go, tanego iri soko vatovato velaka ia Batu ne. Vari miasoka ia Batu ne i koe to de iri koego.

Luka 4:17

Iri teke ne Jesu buka ia propeta Isaia. I papaqa vivolo na pepa ne mana i soba de ni karo bana ego sekoro dena.

Luka 6:20

Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Luka 7:22

I vataule ne qiru riru iru pala seko ia Jon igo, “Ule za mana za sine ne Jon pata qamu mia mana gata go, vano kodo iri mimia, vano taveqo iri zaza velaka, ria iri kimata ne mokoso voremake iri velaka mana vano ikiki iri ara gata pata to, vano le iri too napu me, mana Tarama Velaka ia Batu ne i tatavatae de iri koego ria vano iri situ go.

Tarama Velaka Ia Jesu Kristo I Karo Go Jon 1:41

Aduru i za soba togana, Saimon mana i sine ne, “Remu qi miasoba to Mesia.” Seko dena talupasana Kristo.

Tarama Velaka Ia Jesu Kristo I Karo Go Jon 12:46

Era qa lamae kolobana pua dena gerena tatavata, go osiqira basoero iri vaogoto ava era, tariniki koe kaega rodoko.

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 4:26

Ria batu lavata na pua de iri vanama ne varitara, Mana vano iri kenaqa ne qira vano basoero na vudu pua dena iri kameka teṉo vanama ne varitarae na de ikoe go God mana valeke tavine ia ne go.’

Zazu Ria Apostoloro 4:27

Pata ogoto, Erode mana Ponsio Pilato iru kameka vatovato tavisi banae de iri koe go vano iriki Jiu go kaega, mana vano Izirel go mara vae Jesu valeke zazu tabo aro, ia qova Mesia go.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.