Luka 4:17 - Vato Vari Vakameka Voru Ia Batu Ne

¹⁷ Iri teke ne Jesu buka ia propeta Isaia. I papaqa vivolo na pepa ne mana i soba de ni karo bana ego sekoro dena.

Luka 4:17 ပူးပေါင်းရင်းမြစ်များ

Luka 16:29

Abra-am igo, ‘Togamu i ko Mosese mana propeta ro iri sine bana ne qira, iago togamu ro mara ria gata pataro iri sine go ria ne.’

Luka 20:42

Do Davita tanuna i sine ze buka na Kera, ‘God i sine ne Batu era, kolokue tepa rikisi matauqu.

Luka 4:16

Jesu gonae izae Nazaret de i lavate go, mana ṉalu musaqara Sabat izae Pade Lotu gerena de igogo bana mego. Iago i degere mana toere Buka tabo ne.

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Luka 4:20

Jesu igo nae, i vivolo vaule pepa ne i teke vaule ne valeke izazu e go Pade Lotu ne, mana i koloku. Osiqira ria iri koego Pade lotu ne iri reṉa vale ne so ia.

Zazu Ria Apostoloro 13:15

Taramuzina iri toere Tamana ia Mosese mana karo ria propetaro ne. Ria batuna ro Pade Lotu ne iri sine ne qiru, “Karua vakitaka remu, ṉalu ikone qaburu seko vakaraputa de iri koego basoero dena, remu qimu soko raburu buruna sekoe de iri koego.”

Zazu Ria Apostoloro 13:27

Do basoero iri koego Jerusalema mana vano kenakenaqaro ria gogo ne, iriki miarove kaega Jesu to tina vakavele qira go. Mana iriki mia rove napua so kaega sekoro ria propetaro ne, iri toere go osina musaqara Sabat. Do tanuqira to iri vavoto go sekoro dena ṉalu iri vine go Jesu tina le go.

Zazu Ria Apostoloro 7:42

God i tabali kakamu ne qira, mana i teke ne qira domiri ro na rani ne tarina vazaka go, gerena so ni karo bana e go buka ria propetaro, ‘Basoero na Izirel! Iki era kaega tane qamu vaevale mana komakoma ne go pata qaraqara ro ramu, torana vasiṉaulu ave loborona de i ulana ne ikaego pata podopodona ne.