Luka 3:8 - Vato Vari Vakameka Voru Ia Batu Ne

⁸ Muna zazu ne pataro go tina vasadake, go ramu qamu manava sakata nego vasakata pataro ramu. Mana kasi sine na Abra-am i tamaqamu. Masine ne qamu, God i mazala so palana i pakaro dena mana zazu ze so basoero ia Abra-am!

Luka 3:8 ပူးပေါင်းရင်းမြစ်များ

Matiu 21:43

Iago ma sine ne qamu, Too ikoego vari miasoka ia God, tarina pala vakuziki ne qamue, mana teke ne qira basoero kakavata go tarina mazala teke zaqe God pata i soko go.”

Matiu 3:8

Muna zazu ne pataro go i mazala vasadake na, go ramu qamu manava sakata ne vasakata pataro ramu.

Matiu 3:9

Muniki vapala zeso sine na ramu tamaqamu Abra-am, iago God ki mazala kaega vakimata qemu, ma sine ne qamu, God i mazala so palana ipakaro dena mana zazu vatopu zego salero ia Abra-am.

Luka 13:25

Ṉalu valeke batu na pade i degere i kokoqua siporaṉa ne, ramu tamuna degere me peka ne mana kekeqere siporaṉa ne mana tamuna sine me, ‘Papaqa siporaṉa ne batu,’ Do ia tina vane qamu dena, ‘Era qaki rove kaega kade qamu reqe mego.’

Luka 13:26

Ramu tamuna vataule ne ia mana tamuna go, ‘Remu to qimu ṉaṉa mana qe besi tavisi go aro. Mana aro to qo va tatana qemue go komala remu.’

Luka 14:9

Tina lama valeke i koru qamu go tina sine nigo, ‘Tekene valeke nae de kolokoloku velaka nae.’ Aro tono agava ṉalu tono za kolokue de kolokoloku taramuzina ne.

Luka 19:40

Jesu i vataule ne qira igo, “Masine ne qamu, ṉalu go tariniki naki go kaega ria dena, ria tu ipaka ro ne tarina korukoru go.”

Luka 19:9

Jesu i sine ne ia, “Ninidena vari vakavele i lama koe pade dena, tanego valeke dena do, i reqe meso sinaqe ia to Abra-am.

Luka 5:21

Ria vano tarove na Tamana mana vano Parisio iri nanao luluse seko ia Jesu, iri vari goe de tanuqira, “Akena tane valeke dena i seko sakate go God! Tanuna so God i mazala go lukasena vasakata pata.”

Tarama Velaka Ia Jesu Kristo I Karo Go Jon 8:33

Vano Jiu ne, iri vataule ne Jesu iri go, “Remu qi reqe me popodo ia Abra-am, mana qiki seka ia kaega ka basoe go, avana tane qo vatalupasa zego, ‘Ko talupasa qo sine go na?’ ”

Tarama Velaka Ia Jesu Kristo I Karo Go Jon 8:39

Iri vataule ne ia, iri go, “Remu tamaqemu Abra-am.” Do Jesu i vane qira dena, “Ṉalu qamu salesalero ogoto ia Abra-am, ramu tamu zazu napu neso pataro i zazu nego ia.

Zazu Ria Apostoloro 26:20

Kenaqana tepa Damaskus, mana loborona Jerusalema, taramuzina nae, qa za tarama napu e topu na dia loborona Izirel, mana de iri koego vano iriki Jiu go kaega. Qa tamana ne go tarina manava sakata ne vasakata pata ro ria, mana tabali ze de ikoego God, mana tarina zazu ne pataro go tina vasadake, go ria iri manava sakata go.

Leta Ia Pol I Karo Ne Qira Basoero Na Rom 4:16

Iago pui ia God i degere ne vanaduna vaogoto go tarina pala ogote go sosovolomo ia God i teke volomo ne qira go vano iri reqeme go sasaqi ia Abra-am. Do iki keria miki so kaega ria iri lulua go Tamana ia Mosese, do ria napu to vano iri vaogote go God, gerena Abra-am ni vaogoto go. Tanego Abra-am to i Tamaqita osiqita,

Leta Ia Pol I Karo Ne Qira Basoero Na Rom 9:7

mana igo napu to ria iri reqeme go popodo ia Abra-am iriki basoero lupo ia kaega God. Do God i sine bana ne Abra-am, “Popodo varisoma ia Aisak tina reqeme go salero ogoto raro.”

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.