Luka 3:11 - Vato Vari Vakameka Voru Ia Batu Ne

¹¹ I vataule igo, “Basoe i kone go karua roku mara teke ne ia ni kaega nego kameka, mana ka basoe i kone go pata gege, mara kena.”

Luka 3:11 ပူးပေါင်းရင်းမြစ်များ

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Luka 11:41

Iago muna teke ne qira basoero situ pataro ikoe loborona kapu mana ebata ramu, go ia osina ro pata tina daloe de qamu koe ramu.

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 19:8

Zakius i degere mana i sine ne Jesu, “Gata! Batu, takoboro na pataiu qa toṉove go, tunara tekene qira vano iri situ go. Mana ṉalu qa siko go patapata ia kaki basoe ne, tuna voli vaule ne ia torana kavasi papala sauna pataro qa siko ze go ia.”

Tarama Velaka Ia Jesu Kristo I Karo Go Jon 13:29

Jiudas ne, iato valeke i miasoka go kesa ria ne. Iago disipoloro ne iri nanao Jesu i sine ne Jiudas, go mara za volia kakiaro pata go tarina vazazua ze go musaqara lavata nae, ba, na za teke ne qira kakiaro pata vano iri situ go.

Zazu Ria Apostoloro 10:2

Valeke dena i vaogote God mana osiqira ria vano pade ia iri vazaka God. I lete tavisi ne qira vano Jiu iri lete situ go, mana i pene God osina ṉalu.

Zazu Ria Apostoloro 10:31

mana igo, ‘Konilias! God i gata pepene ro aro, mana i toqe ne zazu vari nanao ro aro’.

Zazu Ria Apostoloro 10:4

Konilias i reṉa taru vanadu ne aqelo ne, i lete sareki mana igo, “Avana Batu?” Aqelo ne i vataule ne ia igo, “God i kula ne pepene ro aro, mana zazu vari nanao ro aro, iago i piri ne tina tavisi nigo.”

Epesus 4:28

Basoe i poro sikosiko bana go mara mamanava siko, mana mara zazu, go tina pala go pata totoloṉo tina tavisi ne tanuna, mana vano iri ko situ go.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Jemisi 2:14

Ramu turaquro, ava pata velakana tane i zazu ne go basoe igo, “Era iko nava vaogoto igo,” do ogotona seko ia iki sadaka e kaega kaki pata izazu ne go. Avigo miki vaogoto tina vakavele go ia ba?

Kameka Jon 3:17

Do ṉalu kaki kameka valeke vavagado i mia kakia turana iko makuru ne go pataro tina tavisi ne go, do valeke vavagado dena iki soko to kaega tavisi nena sauna pata i makuru ne go turana dena. Avigo tane i sine go tanuna imamaligara ne God igo na?

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”