Luka 24:48 - Vato Vari Vakameka Voru Ia Batu Ne

⁴⁸ Ramu to tamuna seko ne go pataro dena.

Luka 24:48 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 15:27

Mana ramu to tamuna sine ne qira go basoe ne sauqu era go, tanego ramu to qata kameka go ṉalu qa vatupia go era zazu dena.

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Zazu Ria Apostoloro 10:39

Remu to qimu ko tavisi mana qi mia go, osina pata ro i zazu ze go pua na Izirel mana loborona Jerusalema. Taramuzina nae, basoero ne iri vae vale ia, iri paqipaqi ze go koluse ne.

Zazu Ria Apostoloro 10:41

iki sadake kaega de iri koego basoero topu, do i lama sadake so de qi koego remu, tanego remu to i vine bana qemu go God timuna tarama nego ia, iato go remu qi ṉaṉa mana qe loka tavise ia taramuzina too i vae mego tepa le ne.

Zazu Ria Apostoloro 13:31

Mana topu musaqara taramuzina ia i sadaka qira basoero iri lulu bana me ze go ia Qalili lama dokae go Jerusalema. Mana basoero nae to iri tarama ne go ia, de iri koego basoero na Izirel.

Zazu Ria Apostoloro 2:32

God i vatoo napu me Jesu dena tepa le ne, mana remu qimu mia ze mata qemu pata dena.

Zazu Ria Apostoloro 22:15

Tanego aro tono tarama ne ia, tono sine pataro qo mia mana pata qo gata go.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Zazu Ria Apostoloro 4:33

Loborona karaputa ia God, ria apostoloro ne iri tarama ne too napu ia Jesu Batu ne, mana God ilete vamakaolo napu qira to ria go.

Zazu Ria Apostoloro 5:32

Remu to qi seko ne go pataro dena, mana Spirit tabo, go. Spirit tabo iato i sosovolomo ia God, de iri koego vano iri vaogote go ia.”

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,