Luka 24:44 - Vato Vari Vakameka Voru Ia Batu Ne

⁴⁴ Mana i sine ne qira, “Iato dena pataro tina sadaka go gerena so qa sine bana go, torana qako tavisi qamu go, osina pataro sauqu era ni karo ego Tamana ia Mosese, pataro iri karo go ria propeta ro, mana buka na Kera ne tina lama sadaka ogoto lupo so.”

Luka 24:44 ပူးပေါင်းရင်းမြစ်များ

Matiu 1:22

Osina pataro dena i sadaka, go pataro iva rove qirae go propetaro Batu ne, tina lama ogoto, igo de,

Matiu 16:21

Tupi to ṉalu nae, Jesu i lete vatatana velaka qira disipoloro ia igo, “Era tuna za bana eso Jerusalema, tuna za pala ze vokara de iri koego vano kazigarata, vano batu ria patere ro mana vano vari vatatana na Tamana go. Tarina vae vale ava, do taramuzina so kapisa musaqara era tuna too napu me.”

Matiu 26:54

Do ṉalu tuna zazu nego era pata igogo ne, ava tina goto Buka tabo ne, ni sine bana go, pataro dena tina sadaka ogoto go.”

Matiu 26:56

Do patavolomo nae, pataro i doka goto dena i va voto to seko ro ria propeta ro iri karo go.” Pasi nae so ia, osiqira to disipoloro ia iri kasi ne ia mana iri paqa lupo to go.

Maka 9:31

tanego ivatatana qira disipoloro ia mana ivane qira dena, “Era Tuna basoe tarina pala vazao ve karaputa ria basoero ne, go tarina vae vale ava go, do taramuzina vapisana musaqara tuna too napu me.

Luka 21:22

Tanego ṉalu dena, God tina vakimata qira basoero dena, go tina sadaka ogoto me seko ni sine bana go Buka tabo ne.

Luka 22:37

Go qa sine ne qamu go pata dena, mara votoe, de qa koe era seko dena, Buka tabo ne i sine bana igo, Tri vapala tavisi ze ia basoero sakata iri vae tamana.’ Iago osina pataro dena mara lama ogote de qa koe era.”

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Luka 9:22

I sine napu ne qira, “Era Tuna basoe tuna lete vokara, tariniki soko ava kaega vano kazigarata ro, batu ria Patere ro mana vano tarove na tamana, tarina vae vale ava, do taramuzina kapisa musaqara era tuna too napu me.”

Luka 9:44

Muniki nanao kasupe ne pata qa vele sine ne qamu go, “Era Tuna basoe tarina pala va zao ve karaputa ria basoero ne.”

Tarama Velaka Ia Jesu Kristo I Karo Go Jon 3:14

Ṉalu bana ne loborona ulana ne Mosese i pala kameka dole iri zazu ne ze aeana mana i vaidoko vazakazaka ne, de qa koego era Tuna basoe ne tina gere napua so, basoero tarina vaidoko vazakazaka va,

Tarama Velaka Ia Jesu Kristo I Karo Go Jon 5:39

Ramu qamu toere mana nanao lupase karo tabo ne, tanego qamu nanao ianae tane tamuna soba ze go too iki rove go kaega lupo. Do osina karo tabo ro nae, i pepeu lupo so sauqu era.

Tarama Velaka Ia Jesu Kristo I Karo Go Jon 5:46

Ṉalu ramu qamu vaogote go pataro i sine go Mosese, ramu tamu vaogoto napu ava so era, tanego pataro i karo go Mosese, i sauqu so era.

Zazu Ria Apostoloro 13:33

Iago ninidena izazu ne qita to ita, ṉalu i vatoo napu mego Jesu tepa lene, gerena i sine ze go varuana buka na Kera. ‘Aro qo sale ogoto era, ninidena era qa Tamamu.’

Zazu Ria Apostoloro 13:40

Iago ramu muna miasoka, niki go pataro iri sine bana go propetaro ne lama ogote de qamu koego,

Zazu Ria Apostoloro 2:27

Tanego aro qoki golevana ne kaega madauqu tepa ia le na vudu na uṉaṉa. Aro toniki vamao ne kaega basoe zazu aro tina za noli ego bolu ne.

Zazu Ria Apostoloro 3:18

God i sine bana me ṉalu bana ne, de iri koe osiqira propetaro ia, iri tavine bana ne go ṉalu bana, Mesia tina pala vokara, mana seko ni gogo ne, i lama sadaka ogoto.

Zazu Ria Apostoloro 7:37

Mosese iato i sine ne qira vano Izirel, ‘God tina turine qamu me kaki propeta, gerena so i turi nava go era, mana propeta ni gogo ne, tina kaki basoe na so sinaqe ramu.’

Iburu 10:1

Tamana ro ia Mosese, iki dudule ogoto na kaega pata ogoto ro i ko go, i gere so dudule na pata velaka ro tinara sadaka me. Kameka ado na so komakoma iri zazu nego osina ave, iago ava tina go tane Tamana na de go komakoma ro dena tina vatotoloṉo lupo qira go basoero iri lamae de i koe God na?

Iburu 3:5

Mosese i osaka ne miasoka na basoero ia God. Gere na valeke zazu, mana i seko ne pataro tinara sine go God ṉalu i ara ko mego.

Iburu 7:1

Melkizadek dena to i batu lavata ego Salem, mana i patere ia God i zakazaka sivala go. Ṉalu Abra-am i gado ule mego varitara ena, de iri koego kavasi batu lavata ro ne, Melkizadek i za soba mana iva tabo iago,

Iburu 9:8

Loborona to zuka dena, Spirit tabo ne i lete vatatavata velake, zuka i keba za go, kova i lete tabo sivala go iara kaebo papaqa, tanego pade bana iri pala zazao ne go iara degere so.

Kameka Pita 1:11

Madauna Kristo i koe loboro qira mana i sine kenaqa bana ne qira. Kristo tina lete vokara kenaqa, mana taramuzina vokara i pala go, ia tina va sadake lalana karaputa ia God, mana propeta ro iri pada ne sobana de igogo mana de gogo tina sadaka mego.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.