Luka 23:34 - Vato Vari Vakameka Voru Ia Batu Ne

³⁴ Jesu igo, “Mamae ono nanao ule ne qira, tanego iriki rove kaega pata iri zazu ne go.” Iri kenakena poga ro ia, mana iri ara vaqiso daisi ne go.

Luka 23:34 ပူးပေါင်းရင်းမြစ်များ

Matiu 11:25

Torana ṉalu nae Jesu igo, “Mamae, Batu na rani mana pua, qa seko velaki go, tanego qo vamia qirae ria iriki vatatana bana qira go kaega, pataro pipika qo pika ne qira go vano tarove mana vano iri nanao rove go pata.

Matiu 11:26

Ove to Mamae iato dena de qo soko go aro tina sadaka go.

Matiu 5:44

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

Maka 15:24

Iri paqipaqi ze Jesu koluse ne, mana iri kenakena roku ia. Iri va qiso daisi iri kudokudo akena to tina pala lupo go poga ro dena.

Luka 22:42

Mamae igo, “Ṉalu aro qo mao ne go, ono pala vakuziki ne kapu na vokara dena, deqa koego era, mara kasi nanao era tanuqu, do mara lulua so nanao mu aro.”

Tarama Velaka Ia Jesu Kristo I Karo Go Jon 17:9

Qa pepene ne qira. Qaki pepene ne qira kaega basoero na kolabana pua ne, do qa pepene ne qira ria qo teke bana nava go, tanego iri ke aro.

Tarama Velaka Ia Jesu Kristo I Karo Go Jon 19:11

Jesu i vataule ne ia, igo, “Ṉalu taraki teke nigo kaega God karaputa nae, i makuri go tono sivala nava era, do basoe i valama ve era deqo koego aro tane iri lete kebu go.”

Zazu Ria Apostoloro 16:28

Do Pol i lete koru valavata me igo, “Kasi va paleka na tanumu! Remu qiko lupo so dena.”

Zazu Ria Apostoloro 3:17

Iago ninidena turaquroe, era qa rove to pata qamu zazu ne go ramu mana batubatu ro ramu, de koego Jesu, do qamuki nanao rove kaega talupasana pata qamu zazu ne go.

Zazu Ria Apostoloro 7:60

I koloku tutuṉu mana i dae valavata, “Batu e, oniki nanao tarua vasakata pata dena de iri koego.” I sine to seko dena mana iara le go.

Leta Ia Pol I Karo Ne Qira Basoero Na Rom 12:14

Pene God go mara vamakaolo qira vano iri vasasakata ne qamu go. Pata ogoto muna pene iago mara va makaolo qira, do muniki tulaṉa ne qira.

Kameka Korinti 2:8

Kaega kaki ria vano kenakenaqana kolabana pua dena, iri rove go tarove dena. Ṉalu go tara ria rove go, ria tariki paqipaqi ze kaega koluse Batu na rani ne.

Kameka Korinti 4:12

Remu qi lete zazu vokara loboro ko remu, ṉalu basoero iri damu qemu, remu qi manava ne qira. Ṉalu iri vasasakata ne qemu, remu qi toqe ne qira so,

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.