Luka 23:2 - Vato Vari Vakameka Voru Ia Batu Ne

² Iri vatupia sine na seko poqe ro de ikoego Jesu, mana iri go dena, “Valeke dena i kenaqa ne qira basoero remu, mana i sine ne qira, mara ria kasi volina takisi de i koe batu lavata Siza. Mana igo napu dena, tanuna ne i Mesia i Batu lavata go.”

Luka 23:2 ပူးပေါင်းရင်းမြစ်များ

Matiu 17:27

Do ita qatiki soko kaega basoero tarina muna ne qita. Iago ono zae masi pipika ne, ono za tatava, iṉana tono toqo kenaqe go, ono papaqa saqe na mana tono soba ze kesa loborona. Ono pala kesa nae mana za voli ze takisi ituru go.”

Matiu 22:21

Iri vataule, “Batu lavata Siza.” Jesu i sine ne qira, “Ṉalu igogo nae, teke vaule ne Siza patapata ia Siza, mana teke vaule ne God, patapata ia God go.”

Matiu 27:11

Iri lulua Jesu mana va degere ze tarakenaqana Pilato, gonae Pilato i tana ne ia, “Avigo aro to qo batu lavata ria vano Jiu ba?” Jesu i vataule ne ia, “Iato qo sine go nae.”

Maka 12:17

Gonae Jesu i sine ne qira, “Velaka, teke vaule na batu lavata Siza, pata i todo go Siza mana teke vaule ne God, pata i todo go God.” Pasi iri gata go seko ia Jesu dena iri lete poloso sasakata.

Maka 15:2

Gonae Pilato itana ne Jesu, “Aro toqo batu lavata ria vano Jiu ba?” Jesu i vataule igo, “Aro so qo sine go nae.”

Luka 23:14

Mana i sine ne qira, “Ramu qamu valame nava era valeke dena, mana qamu sine, iva zazao kakavata qira basoero qamu go. Era qa tana ne ze ia tarakenaqa qamu dena, do qaki soba ze kaega kapata sakata i zazu ne, gerena pata ro qamu sine go ramu.

Luka 23:5

Do basoero ne iri seko vakaraputa napu zaqe, “Vari vatatana ia valeke nae i vatupia to vari vapera ne qira basoero na osina dia loborona Judia. I vatupi bana ze Qalili mana ninidena i lama doka napu eto dena.”

Tarama Velaka Ia Jesu Kristo I Karo Go Jon 18:29

Iago Pilato i za siporo me pekapeka ne mana i tana ne qira, igo, “Avana to qamu mia ze ba rove ze ramu i vakebua go valeke dena na?”

Tarama Velaka Ia Jesu Kristo I Karo Go Jon 18:30

Iri vataule me iri go, “Remu i makuru qemu timuna pala me ze deqo koego aro valeke dena, ṉalu go iki zazu ne kaega kaki pata, do valeke dena, i valeke sakata.”

Tarama Velaka Ia Jesu Kristo I Karo Go Jon 19:12

Ṉalu Pilato i gata seko dena, i lete soko to vakavele na Jesu. Do basoero ne iri koru valavata me iri go, “Ka basoe igo, tanuna i batu lavata go, basoe nae i vasasakata ne Siza, iago ṉalu qo vaqalupase valeke nae, aro qoki vakitaka ia kaega batu lavata Siza ikoego Rom!”

Zazu Ria Apostoloro 24:13

Ria ne iriki mazala kaega tarina vasadake ogotona pata ro iri va paqo ve era.

Zazu Ria Apostoloro 24:5

Remu qi soba ze valeke dena, ia i vasadake vatovato ni sakata go, ia i vatupia vari vaiqi de iri koego vano Jiu loborona kolabana pua ne, mana iato valeke dena i kenaqa ne qira kaki koko iri vitoṉo qira e vano Nazaret.

Leta Ia Pol I Karo Ne Qira Basoero Na Rom 13:7

Iago, muna volia soso sinaqe na takisi ro i sine go Tamana, mana vasadake vamazala ramu mana vabatu ramu de iri koe go.