Luka 22:26 - Vato Vari Vakameka Voru Ia Batu Ne

²⁶ Do vatovato dena mari kasa koena de qamu koe go ramu. Ia i basoe lavate de qamu koe ramu mara gere sale suka, mana ia i kenaqa e de qamu koego ramu, mana gere seka ne.

Luka 22:26 ပူးပေါင်းရင်းမြစ်များ

Matiu 20:26

Do vatovato ra ramu, mara kasi go nae de qamu koego. Ṉalu kakia ramu i soko mara batu igogo ne, ia tina gere valeke zazu ramu

Maka 10:43

Do ramu mara kasi gonae vatovato ramu de qamu koego. Ṉalu basoe i soko mara batu igogo ne, ia tina basoe zazue to de qamu koego osiqamu.

Maka 9:35

Jesu i koloku mana i koru qira manoga karua disipoloro ia mana i sine ne qira, “Basoe i soko go tina kenaqa ne qamu go, ia mara vaqoqore to tanuna mana tina basoe zazu ria to osina basoero go.”

Luka 9:48

Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Kameka Pita 5:3

Mana kasi nanao na lete batu sivala ne qira basoero qamu miasoka qira go, do muna va mia qirae vatovato velaka ro ramu, go tarina lulua go.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”