Luka 22:19 - Vato Vari Vakameka Voru Ia Batu Ne

¹⁹ Gonae i pala bureri i seko velaka zaqe God, i pasia mana teke qira ria igo, “Ia dena tokamaqu, qa teke ne qamu ramu, zazu ne ia dena mana nanao taru ava era.”

Luka 22:19 ပူးပေါင်းရင်းမြစ်များ

Matiu 14:19

Gonae i sine ne qira basoero ne tarina kolokue seuseu ne, i pala kalima bureri mana karua iṉana i kakadekaqe rani ne mana i seko velaka zaqe God. I pasia bureri ne mana i teke ne qira disipoloro ia, mana disipoloro ia iri ara kena ne qirae go basoero ne.

Matiu 15:36

Gonae i pala kavitu bureri mana iṉana ne, i seko velaka ne God, i pasia, mana i teke ne qira disipoloro ia, go tarina kena ne qira go basoero ne.

Luka 22:17

Gonae Jesu i pala kapu, i seko velaka zaqe God, mana igo dena, “Pala ia dena mana vari kena ne tanuqamu.

Luka 22:20

Taramuzina iri ṉaṉa lupo i teke ne qira kapu mana igo, “Kapu dena ia to iva vorua go pui ia God, i soso ne parasaqu era, i tazele de qamu koego ramu.”

Luka 24:30

Ṉalu iri koloku, go tarina ṉaṉa go, Jesu i pala bureri, mana ivatabo, gonae i pasia mana i teke ne qiru.

Tarama Velaka Ia Jesu Kristo I Karo Go Jon 6:23

Do kakiaro napu mola iri reqe me Taberiasi iri lama dokae de i seko velaka ze go God Batu ne bureri, i va ṉaṉa qirae go basoero ne zako na ne,

Tarama Velaka Ia Jesu Kristo I Karo Go Jon 6:51

Era to ga bureri na too qa reqe mego rani ne. Ṉalu ka basoe i ge go, ia tina ko osina ṉalu. Bureri qa soso ne go, iato tokamaqu, qa soso ne qira go basoero na vudu pua dena go basoero ne tarina za kavele.”

Kameka Korinti 10:16

Muna nanao zaqe kapu na komonio qata seko velaka ne zaqe go God. Ṉalu qata besia go kapu dena, ita qata vari soso ne parasana Kristo, mana bureri qata ge go ita, qata vari soso ne tokamana Kristo.

Kameka Korinti 10:4

Mana osiqira iri besia besi na bakoso i valame go God, mana bakoso dena i Jesu Kristo tanuna.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 4:25

Ega i talukasana kubolo Sinae ikoego vudu Arabia, do i dudulena napu so komala lavata Jerusalema iko seka go ninidena. Tanego osina basoero iri ko seka taru so.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Kameka Tesalonika 5:18

Muna seko velaka zaqe God sauna osina pata ro i doka go osina ṉalu. Ia to nae pata i soko qamue go God, loborona too qamu vari vakamekae de ikoego Jesu Kristo.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.