Luka 21:36 - Vato Vari Vakameka Voru Ia Batu Ne

³⁶ Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Luka 21:36 ပူးပေါင်းရင်းမြစ်များ

Matiu 24:42

Iago muna miasoka, tanego qamuki rove kaega ṉalu era Batu ramu tuna za ule mego.

Matiu 24:43

Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne.

Matiu 24:44

Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”

Matiu 25:13

Valupolupo na Jesu igo, “Muna miasoka, tanego qamuki rove kaega ka musaqara na mana ka torana ṉalu era Tuna basoe tuna ule mego.”

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Maka 13:33

Iago muna miasoka, vanama so osina ṉalu, tanego qamuki rove kaega ṉalu tina lama go osina pata ro dena.

Maka 13:37

Pata qa sine ne qamu go dena, qa sine napu ne qira basoero topu ne, osiqamu muna miasoka!”

Luka 1:19

Aqelo ne i vataule igo, “Era to Qaprel, qa degere tarakenaqa na God, ituri nava era tuna seko tabe go aro, mana sine nigo aro tarama velake dena.

Luka 18:1

Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.

Luka 20:35

do valeke ro mana qolero itora qira go tarina too napu me tepa le ne mana tarina koego vudu voru tinara lama go, ria nae tariniki ara busi to kaega.

Luka 21:35

Gere pata qaraqara i suqia go pede ne. Tanego musaqara nae tina lama dokae de iri koego osina to basoero iri koego kolabana pua ne.

Zazu Ria Apostoloro 10:2

Valeke dena i vaogote God mana osiqira ria vano pade ia iri vazaka God. I lete tavisi ne qira vano Jiu iri lete situ go, mana i pene God osina ṉalu.

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Karua Korinti 4:14

Ita qata rove, God iva too ze Jesu tepa le, qata rove napua ia tina vatoo qita ṉalu tatana le, gerena i vatoo go Jesu. Mana tina pala qemu remu, mana ramu, go tatana za koe tarakenaqana Jesu.

Kolosia 4:2

Muniki mamanava pene, muna nanao velaka ṉalu qamu pene, seko velaka ne God.

Kameka Tesalonika 5:17

Mana osina ṉalu muna pene.

Karua Timoti 4:5

Do aro ono miasoka va velaki go tanumu, loborona ṉalu na makuru ro, ono ko karaputa osina ṉalu. Ono vari vatatana ne Tarama Velaka ne mana ono va lupo velake go, tanego iato nae zazu i teke nigo God go tono zazu ne go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.

Revaleson 11:4

Karua basoe tarama nae ne, iato karua moki olivi mana karua pazi iru degere go tarakenaqana Batu na kolabana pua ne.

Revaleson 6:17

Pata ogoto, musaqara ṉalu God mana Tunana Sipi tiruna vakimata qira go osiqira basoero ne i lama doka to, iago akena to tina mazala go vakavele na too ia na?”

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.

Revaleson 8:2

Taramuzina ianae, era qa mia kavitu aqelo iri teke ne qira kuvili mana iri degere tarakenaqana na God go.