Luka 20:14 - Vato Vari Vakameka Voru Ia Batu Ne

¹⁴ Do ṉalu vano iri miasoka go barue vain ne, iri miasoba ia, iri vari sine ne, ‘Iato dena sale ia valeke ni toṉove go barue vain ne. Aria mata vae vale ia, mana pataro i toṉove go ia tinara ke ita to.’

Luka 20:14 ပူးပေါင်းရင်းမြစ်များ

Matiu 16:7

Pasi nae disipoloro ne iri tupia vari sine ne tanuqira, “Jesu i sine pata igogo ne, tanego ita qatiki pala me kaega bureri,” iri go.

Matiu 21:25

Akena tane i teke nego karaputa Jon, go ni bapitema qira basoero ne? God, ba, basoe?” Iri vari vatanatana tanuqira, “Avana tatana sine go? Ṉalu qata go ‘God,’ ia tina go, ‘Avigo qamuki vaogote go kaega Jon?’

Matiu 21:34

I doka to ṉalu tarina vae go urena vino ne, valeke ne i turi vazao qira vano zazu ia de iri koego vano iri vazazua go barue ne, go tarina za pala todo na.

Luka 19:47

Jesu iza vari vatatana e loborona Pade Lotu ne osina musaqara, do batu ro ria patere ro vano tarove na tamana mana vano kakazigarata ro iri soko vae vale na ia.

Luka 20:13

Valeke ni toṉove go barue vain ne igo, ‘Avana to tuna zazu ne? Kade go era mava zao to sale era qa lete mamaligara nego, ianae to go tarinara va mazale go ria,’

Luka 20:15

Gonae iri raqasa vakasi ze ia barue vain ne, mana iri za vae vale iago.” Gonae Jesu i tana ne qira, “Avana to tina zazu ne go valeke ni toṉove go barue vain ne, de iri koego vano iri miasoka go barue vain ne?

Luka 20:19

Vano tarove na tamana mana batu ria patere ro iri pada ne pala ze Jesu sauna pataro ni sine go, tanego iri rove seko vapadapada dena iva pala qirae tanuqira iri go, do iri sareki ne qira basoero ne.

Luka 20:5

Gonae iri tupi vari valegu tanuqira, avana to tatana sine go, “Ṉalu go i reqe me God tatana go ita ne, ia tina go, Avigo tane qamuki vaogote go kaega Jon?’

Luka 22:2

Vano batu ria patere ro mana vano vari vatatana na Tamana iri taqia zuka go tarina vae vale ze go Jesu, do iri sareki ne qira basoero ne.

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.