Luka 2:34 - Vato Vari Vakameka Voru Ia Batu Ne

³⁴ Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me.

Luka 2:34 ပူးပေါင်းရင်းမြစ်များ

Matiu 11:19

Mana ṉalu era Tuna basoe qa lama go, qa ṉaṉa mana qa ge loka do basoero ne iri go, ‘Mia to valeke dona, i poro ṉaṉa, ge loka so, mana i vakitaka qira so vano palapala takisi mana vano vatovato sakata go.’ Do osina pata i reqe me nanao velaka ia God, i vasadake nanao velaka ro nae i pata ogoto.”

Matiu 12:46

Ṉalu Jesu iara seko tabe qira basoero ne, sinana, mana kaena ro Jesu iri lama doka, iri degere meso peka ne mana iri lete soko seko tabe na ia.

Matiu 27:63

mana iri sine ne ia, “Remu qi nanao tarua so seko i sine bana go valeke poqepoqe dena igo, ‘Taramuzina kapisa musaqara era tuna too ule napu me tepa le ne.’

Luka 2:35

Mana maqata tina gere go bele zogoto tinara paqo go puṉumu.”

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Tarama Velaka Ia Jesu Kristo I Karo Go Jon 5:18

Pasi iri gata go seko dena, batubatu ria vano Jiu iri nanao to vae vale na Jesu, iki sauna so kaega i vae go tamana na musaqara Sabat, do ia igo God tane i Tamana go tanuna. Iadena i vasadake Jesu i gere napua so God.

Zazu Ria Apostoloro 13:45

Ṉalu vano batu ro ria vano Jiu iri mia go topuna basoero iri lama teṉo go, iri qora sasakata, gonae iri vari valegue de ikoego Pol sauna pataro ni sine go, mana iri seko sakataiago.

Zazu Ria Apostoloro 17:6

Do ṉalu iriki miasoba qiru go kaega, iri raqasa vasipore Jesoni mana kakiaro napu vano lotu, iri pala vazao qirae tarakenaqa qira vano batu na komala ne. Mana iri koru, iri go dena, “Basoero dena, Pol mana Banabasi go iri zazu ne pata makuru ro osina dia. Mana ninidena iri lamae to komala ita,

Zazu Ria Apostoloro 24:5

Remu qi soba ze valeke dena, ia i vasadake vatovato ni sakata go, ia i vatupia vari vaiqi de iri koego vano Jiu loborona kolabana pua ne, mana iato valeke dena i kenaqa ne qira kaki koko iri vitoṉo qira e vano Nazaret.

Zazu Ria Apostoloro 28:22

Do remu qi soko gata na nanaomu aro, tanego qi rove basoero na osina dia, iri seko tolia koko qo koego aro.”

Zazu Ria Apostoloro 4:26

Ria batu lavata na pua de iri vanama ne varitara, Mana vano iri kenaqa ne qira vano basoero na vudu pua dena iri kameka teṉo vanama ne varitarae na de ikoe go God mana valeke tavine ia ne go.’

Zazu Ria Apostoloro 6:7

Mana seko ia God, i zadava mana zaza popoka napu. Topu qira ria disipoloro iri koego Jerusalema iri lete topu ziki, mana topu ria vano Patere ro iri toqe napu ne vaogote na Jesu.

Leta Ia Pol I Karo Ne Qira Basoero Na Rom 9:32

Iago avigo tane iriki soba go kaega? Tanego pataro iri zazu ne go iriki zazu ne ze kaega vaogoto ria de ikoe go God, do iri zazu ne ze sauna zazu velaka ria. Iago iri za tabatuparae so ipaka lavata ni poro tupara ne qira go basoero topu ne.

Kameka Korinti 1:23

Do remu, qi sine vasadake le i vae go koluse Kristo, tarama dena i va vokara qira vano Jiu, ba de iri koe vano iriki Jiu go kaega, tarama dena i pata volomo so,

Iburu 7:1

Melkizadek dena to i batu lavata ego Salem, mana i patere ia God i zakazaka sivala go. Ṉalu Abra-am i gado ule mego varitara ena, de iri koego kavasi batu lavata ro ne, Melkizadek i za soba mana iva tabo iago,

Iburu 7:7

Ita qata rove, basoe i vatabo go kene basoe, basoe nae i sivala ne basoe i pala go vatabo ne.

Kameka Pita 4:14

Muna kula ṉalu basoero iri seko vasakata qamu, tanego ramu qamu lulua vatovato ia Kristo, tanego ramu qamu rove Spirit ia Batu ne ilete karaputa, i ko taru e de qamu koego.