Luka 2:14 - Vato Vari Vakameka Voru Ia Batu Ne

¹⁴ “Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Luka 2:14 ပူးပေါင်းရင်းမြစ်များ

Matiu 21:9

Gonae basoero iri zaza kenaqa ne Jesu mana ria vano iri muzi ne ia gogo ne, iri koru valavata, iri go, “Vazaka Tuna Davita! God vatabo valeke dena, ia i lama ego vitoṉomu aro! Vazaka God ikoe go rani ne!”

Luka 1:79

Go tina teke qira tatavata ria iri koego rodoko mana dudulena le. Tina kenaqa ne makeqita, go tatana zukae loborona dalo.”

Luka 19:38

“God ono vatabo Batu lavata ni lamae go loborona vitoṉo mu, Dalo ina koe rani ne, mana ita mata vazaka God.”

Luka 2:13

Iki umata so kaega, topu ria aqelo ro na rani ne iri lulu ne aqelo ne, iri kera vazaka God.

Luka 2:15

Ṉalu aqelo ro ne iri kasi ne qira, iri popoka za rani, vano miasoka sipi iri vari sine ne, “Mata zae Betelema go mata za mia pataro ni sadaka go, ni sine go Batu ne.”

Luka 3:22

Mana Spirit tabo ne i qoqoro me de ikoego ia, i gere kurukuru, mana kameka ovaṉa ireqe me rani ne igo, “Aro Sale era, qa lete mamaligara nigo, kula era ikoe de qo koego aro.”

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 17:4

Era qa vasadaka bana ze karaputa mazala aro, kolabana pua dena, mana zazu qo teke nava go, era qa valupo to.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Epesus 1:6

Iago ita mata vazaka ze, God sauna Mana ia, mana karaputana mazala ia sauna sosovolomo na kameka Sale valeke ia iteke ne qita go.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 2:4

Do manava ia God i lete karaputa mana mamaligara ia i lete lavata sivalae de qata koego ita.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Pilipae 2:11

Osina basoero mara sine vasadake, “Jesu Kristo i Batu, go kero ne basoero tarina vazaka God Tamaqita.”

Pilipae 2:13

Tanego God i zazu tarue loboro qamu ramu, go mara vamazala qamu go muna toqe ne mana lulua vatovato ia tanuna.

Kolosia 1:20

De ikoe Tuna, God i nanao tina pala vaule ze kolabana pua loborona le ia Jesu koluse ne. God i va bule napu ze de ikoe tanuna, de iri koego basoero topu, mana iva kameka napu ne tanuna osina pata, basoe mana osina pataro na rani mana pua go.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Revaleson 5:13

Gonae qa gata osina pata too i vazaria go God, iri koego vudu rani, vudu pua mana vudu ria vano le, loborona masi ne mana osina dia kolaba ne go. Osiqira dena iri kera, iri go’ “De i koego ia i kolokue go de kolokoloku batubatu ia mana Tunana Sipi gogo ne, mata vazaka mana vabatu qirue sauna menomeno mazala mana karaputa riru i ko osina ṉalu topu ro ne.”