Luka 19:12 - Vato Vari Vakameka Voru Ia Batu Ne

¹² Iago Jesu i sine ne qira vapadapada dena, “Kameka basoe lavata isoko vele zae na kaki vudu laqalaqa, go tarina za teke ne ia karaputa go tina batu lavata go, mana taramuzina nae ia tinara za ule me, mana tina lama batu lavate go komala ia.

Luka 19:12 ပူးပေါင်းရင်းမြစ်များ

Matiu 21:38

Do ṉalu vano iri vazazua go barue ne, iri miasoba zaqe sale ia valeke ne, iri vari sine ne tanuqira, ‘Iato nae sale ogoto ia valeke i toṉove go barue ne, aria mata vae vale ia, go mata toṉove patapata ro ia ne!’

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Maka 12:1

Jesu i sine ne qira basoero ne seko vapadapada dena, “Kaki kameka valeke i leba barue vaeni ia mana i zazu ne kameka bara, ikolo ze go. I zazu ne de tina puqo ze go vaeni ne, mana i vadegere ze kameka pade zakazaka go tina za koe basoe tina miatarua go. Lupo nae i vamao ne qira kakia ro basoero barue vaeni, iago tarina vazazua mana teke vaule ne tanuna kadia volina urena nogotona ave, mana tanuna valeke ne i zaza, iza koe kaki dia kakavata.

Maka 16:19

Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana.

Luka 20:9

Gonae Jesu i sine qira basoero ne seko vapadapada dena, “Iko kakia valeke i leba barue vain ia, gonae iva miasoka qirae kakiaro basoero barue vain ia, mana i kasi ne komala ia mana iza ko va umatae de izae go.

Luka 24:51

Ṉalu i vatabo lupo qira, Jesu i kasi ne qira mana God i pala va popoka zaqe ia rani ne.

Tarama Velaka Ia Jesu Kristo I Karo Go Jon 18:37

Pilato i tana napu ne, igo, “Iago aro qo batu lavata?” Jesu i go, “Aro to qo sine, era qa batu lavata mana i ogoto go. Era qa podo me vudu pua dena go tuna sine vasadake pata ni ogoto go, ka basoe i toqe ne lulu na pata ni ogoto go, i mazala gata na pataro qa sine go era.”

Zazu Ria Apostoloro 17:31

Tanego God i vine bana kameka musaqara tina zazu nego varitanae ia de iri koego basoero na kolabana pua ne. Tina zazu ze loborona totoloṉo. Ia tina vazazua kameka basoe i vine bana go, basoe nae to Jesu, mana i vasadaka velaka bana ne qita go, tanego i vatoo bana ze ia tepa le ne.”

Kameka Korinti 15:25

Tanego Kristo tina batu lavata go tina zadoka so ṉalu God tina vaqoqoro lupo qira kana ro ia mana tina taru qirae polana makena Kristo go.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.