Luka 18:7 - Vato Vari Vakameka Voru Ia Batu Ne

⁷ Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Luka 18:7 ပူးပေါင်းရင်းမြစ်များ

Matiu 24:22

Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 7:11

Patavolomo ramu qamu ki vano totoloṉo kaega do qamu rove pata velaka so tamuna tekene sale ro ramu. Iago God Tamaqamu ikoe rani ne i lete velaka sivala go tina tekene qira pata velaka ria iri pene ze ia kakia pata.

Luka 11:13

Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”

Luka 2:37

Ia iki kasi ne so kaega Pade Lotu ne, kuse musaqara go i vazaka so God, i qaniqani mana pene go.

Luka 21:28

Ṉalu pataro dena tina tupi sadaka me, muna degere mana reṉa qe zakazaka ne, tanego vari vakevele ramu i lama garogaro to.”

Leta Ia Pol I Karo Ne Qira Basoero Na Rom 8:33

Akena to tina seko vasakata qira go basoero tavine ia God? Tanuna God to i sine vatatavata bana me, igo, iriki kebu kaega.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Kameka Tesalonika 3:10

Osina musaqara mana kuse qimu pene iago mi garetu reṉa paqala ne qamu to ramu qimu go, go mi teke ne qamu pata qamu ara soko napua go sauna vaogoto ramu.

Karua Tesalonika 1:6

God i zazu ne pata totoloṉo, ia tina va vokara qira ria iri va vokara qamu go ramu.

Kameka Timoti 5:5

Qole nanaro ni ko vamiki so tanuna, i kaega go ka basoe tina miasoka go, ia mara taru ze ala ia de ikoego God, mara pene tarua so, go God mara tavisi ne ia kuse mana musaqara go.

Karua Timoti 1:3

Qa seko velake God, iato qa basoe zazu ia, mana qa osaka ne zazu ia loborona nanao mana too velaka era, gere qira so vanovano bana era iri zazu nego. Qa seko velake ia nanao taru qa vae qamu go mana loborona pepene era kuse mana musaqara go.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Kameka Pita 1:1

Era Pita qa apostolo ia Jesu Kristo. Qa karo ne qamu ramu basoero ia God qamu repe go osina dia, gere qira basoero kakavata tepa kena Pontus, Qalesia, Kapodosia, Esia mana Bitinia.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 6:10

Madau qira ria dena iri seko valavata me iri go, “Batu qo lete tabo sivala mana qo moqere go, aro i purake vavaogoto, kasi vaumate na varitanae aro de iri koego basoero na vudu pua, ono vakimata qira tanego iri vae vale qemu remu.”

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.