Luka 18:43 - Vato Vari Vakameka Voru Ia Batu Ne

⁴³ Katikili so valeke kodo ne i mimia napu, i lulua Jesu mana ivazaka God. Ṉalu basoero ne iri mia pata dena, iri vazaka God.

Luka 18:43 ပူးပေါင်းရင်းမြစ်များ

Matiu 11:5

Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 21:14

Ṉalu nae vano kodo mana vano i taveqo go makeqira iri zae pade lotu ne mana Jesu i va velaka lupo qira.

Matiu 9:8

Ṉalu basoero iri mia pata ni sadaka go, iri sareki, mana iri vazaka God tanego i teke qira karaputa igogo dena de iri koe go basoero ne.

Luka 13:17

Seko ia Jesu iva agava lupo qira vano iri kana ne go ia. Do ria basoero ne iri lete kula ne pata velaka sivala ro i zazu nego Jesu.

Luka 19:37

Pasi iri lama garogaroe to Jerusalema, totorana kaki zuka i qoqoroe Kubolo na Olivi topu ria disipoloro ia iri tupi seko velaka ne mana vazaka God, sauna osina pata velaka ro iri mia go, mana iri go dena,

Luka 4:39

Jesu iza mana i degere rikisina vesu ia qole ne mana i kakale mokoso ne, mokoso ne i kasi ne ia, qole ne i katikili degere mana i vanama ne qira ria pata gege.

Luka 5:26

Osiqira basoero iri lete nureke iri sareki mana iri vazaka God. Iri go, “Pata vari vapoloso tane qata mia go ninide.”

Luka 9:43

Osina basoero ne iri lete nureke ne karaputa lavata ia God. Topu ria basoero ne iri ara nureke ne so osina pataro ni zazu ne go Jesu, gonae i sine ne qira disipoloro ia.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 4:21

Gonae ria vano pepeu iri lete vabanabana vamoqere qirue tamana, mana iri vasiporo volomo qiru, tanego iriki mia kaega kapata itora go tina valepulepu qirue go, mana iri mia napua basoero ne iri vazaka God sauna pata i sadake go valeke ile go makena.

Qalesia 1:24

Iago ria iri vazaka to God, tanego sauna to pata ni zazu navae go era.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.