Luka 18:30 - Vato Vari Vakameka Voru Ia Batu Ne

³⁰ God tinara teke ne ia topuna pata velaka torana dena, mana ṉalu muzi ia tinara pala too iki rove kaega za lupo.”

Luka 18:30 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 4:24

Pepeuna dego Jesu i lupoe osina vudu na Siria. Ria ivae qira go pata vokara mana i pala qira soso mokoso ro, ria i siqane qira manuru sakata, ria ivae qira kakaepale mana ria i makuru vizu tokamaqira gogone iri valama qirae so dekoe Jesu mana iva velaka lupo qira.

Kameka Timoti 4:8

Qiso ne i vamoqere tokama, ianae i velaka, do i lete velaka sivala tata vakaraputa go too kristiano ita, tanego ianae i mazala tavisi ne qitae ita topuna dia. Loborona too ninidena mana too ṉalu muzi go.

Kameka Timoti 6:6

I pata ogoto, vaogoto ita de ikoego God i mazala teke ne qita vavagado, ṉalu qata kula ne pataro qata toṉove de.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Revaleson 2:17

Ramu iko go qeqele qamu, muna gata seko ia Spirit tabo iri sine ne qira go eklesia ro ianae. Basoe i karaputa ego varitara nae, era tuna teke ne ia mana tina gego. Mana dena i patagege i ko pipika bana meso ṉalu bana ne. Nogoto qira basoero nae era tuna teke ne qira ipaka kakasa. Ipaka kakasa nae i karoe kameka vitoṉo voru. Tanuna so basoe i pala go ipaka nae, tina rove go vitoṉo nae, basoe kakavata niki rove kaega.”

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.