Luka 18:23 - Vato Vari Vakameka Voru Ia Batu Ne

²³ Do ṉalu valeke ne igata seko ro dena, i lete maqata sivala, tanego i lete vavagado.

Luka 18:23 ပူးပေါင်းရင်းမြစ်များ

Matiu 19:22

Ṉalu valeke gavere dena i gata seko nae, i lete maqata sakata, gonae i kasi ne Jesu, tanego i lete vavagado.

Maka 10:22

Ṉalu valeke vavagado ne i gata go seko ia Jesu dena, ilete mimia maququro mana tarakenaqana ilete mimia maqata, gonae i zaza kasi ne Jesu, tanego ilete vavagado.

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 18:24

Jesu i reṉa ne ia, ilete maqata mana i sine ne ia, “I makuru ria vano iri vavagado tarina keba zago Too ikoego vari miasoka ia God.

Luka 19:8

Zakius i degere mana i sine ne Jesu, “Gata! Batu, takoboro na pataiu qa toṉove go, tunara tekene qira vano iri situ go. Mana ṉalu qa siko go patapata ia kaki basoe ne, tuna voli vaule ne ia torana kavasi papala sauna pataro qa siko ze go ia.”

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 8:14

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Epesus 5:5

Qamu rove bana ramu, basoero iri varivagabu go mana zazu ne pata sakata ro napu gogo ne, basoero nae i kaega ne qira ka de koko too de ikoego vari miasoka ia Kristo mana God go. Gere napu qira so vano iri qora ne patapata ro ria basoero ne. Basoe igogo nae too ia, i vazaka god poqepoqe.

Pilipae 3:8

Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Kameka Jon 2:15

Kasi mamaligara ne na ba vakenaqana patana ro vudu pua dena. Ṉalu qamu mamaligara ne go vatovato na vudu pua dena, ramu qamuki mamaligara ne kaega God Tamaqita.