Luka 18:22 - Vato Vari Vakameka Voru Ia Batu Ne

²² Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 18:22 ပူးပေါင်းရင်းမြစ်များ

Matiu 19:21

Gonae Jesu i sine ne ia, “Ṉalu qo soko go lete velaka, za mana volivoli ne osina pata qo toṉove go, mana teke ne qira vano situ volina patapata ro aro, goto nae aro tono pala too vavagadona tepa rani ne, mana aro ono lama mana lulua va era go.”

Luka 10:42

do kameka so pata itora go. Maria i vine pata ni totoloṉo go, mana kaega ka basoe tina pala vakuziki ne ze go ia.”

Luka 12:33

Volivoli ne osina patapata ro ramu, mana teke ne qira kesa na vano iri situ go. Pala tanuqamu pata tarutaru kesa iki rove go kaega taridaka, mana babana ze vavagado ramu rani ne, de iki mazala go kaega za qoqoro. Tanego i kaega ka basoe sikosiko tina pala go mana kokorosi tina va sakate go.

Luka 16:9

Gonae Jesu i sine napua, “Ma sine ne qamu muna vazazu velake vavagado na pua dena, go basoero ne tarina vakitaka qamu, go ṉalu tamuna mamanava go va zazu na vavagado na pua dena, ria tarina ra vakitaka napu qamu so loborona komala ikoego too iki rove go kaega lupo.

Luka 18:21

Valeke ne ivataule, “Pasi qara suka mego mana lama doka to ninidena gogo ne, era qa vaogoto lupo so Tamana ro nae.”

Luka 18:23

Do ṉalu valeke ne igata seko ro dena, i lete maqata sivala, tanego i lete vavagado.

Luka 9:23

Mana i sine napu ne qira, “Ṉalu kaki basoe i soko lulu ava era, ia tina va qoqore tanuna mana pala koluse ia osina musaqara mana lulu ava era.

Pilipae 3:13

Pata ogoto, vakitaka ro era, muniki nanao ramu era qa pala bana sasarapaqu, do kameka pata so qa zazu ne, era qa nanao kasupe lupo ne osina pataro ikoego taramuziqu, mana qa pada ne go maza dokae pata iara ko mego tarakenaqaqu.

Karua Pita 3:8

Do muniki nanao kasupe ne kameka pata lavata sivala dena turaquro. De ikoego God, kameka musaqara mana kameka mao ave ivari pada so, i kaega kade i vari vakakavatae nego.