Luka 17:24 - Vato Vari Vakameka Voru Ia Batu Ne

²⁴ Ṉalu tina kapi go mana tatavata i damare go zakazaka ne, reqe kaki tepa mana za dokae kene tepa gogo ne. Tina gere napua so ṉalu era Tuna basoe tuna za lama go.

Luka 17:24 ပူးပေါင်းရင်းမြစ်များ

Matiu 24:27

Tanego ṉalu era Tuna basoe tuna lama go, tina tatavata gere kapi tina damare go tepa keba na saṉa mana za dokae tepa zuṉu na saṉa go.

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 5:15

Basoe ṉalu iva kamua pazi, ia tiniki taru zaqe kaega polana vesu, do tina taru va zakazaka zaqe, go i mazala tatavata lupo ne qira ria iri koe loborona pade ne.

Kameka Korinti 1:8

Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.

Kameka Tesalonika 5:2

Tanego ramu qamu rove va velaka bana, musaqara ia Batu ita ne tina za lama go, tina gere valeke sikosiko ni za lama go kuse.

Karua Tesalonika 2:2

Ramu muniki bulaṉoe ne gata na seko ro ria basoero tarina poqe qamue go, tarina sine musaqara ia Batu ne ilama bana to, tarina go Spirit tabo tane i sine go ba remu tane qimu karo ze kakia leta remu tarina vane qamu.

Karua Tesalonika 2:8

Ṉalu nae basoe vae tamana nae, tina lama sadaka to, do ṉalu Batu ita Jesu tina lama napu go, ia tina vae vale ze ia kikiuru na marapuga ireqe mego saqena. Mana tina lete vasakate to ia karaputana lama sadaka tina vae go Jesu.

Jemisi 5:8

Ramu napu to go, muna ko noto so, mana vanadua ruqe ramu, tanego musaqara ia Batu ne tina lama go igarogaro meto.

Karua Pita 3:10

Do musaqara ṉalu Batu ita na ule mego, tina gere lama na valeke sikosiko, qatiki rove go kaega ita lama na. Ṉalu nae varioka ne tina zaga lulua kameka naki lavata. Osina pata ikoego varioka ne mana osina pata ikoego vudu pua tina subi lupo nako ne.