Luka 16:9 - Vato Vari Vakameka Voru Ia Batu Ne

⁹ Gonae Jesu i sine napua, “Ma sine ne qamu muna vazazu velake vavagado na pua dena, go basoero ne tarina vakitaka qamu, go ṉalu tamuna mamanava go va zazu na vavagado na pua dena, ria tarina ra vakitaka napu qamu so loborona komala ikoego too iki rove go kaega lupo.

Luka 16:9 ပူးပေါင်းရင်းမြစ်များ

Matiu 19:21

Gonae Jesu i sine ne ia, “Ṉalu qo soko go lete velaka, za mana volivoli ne osina pata qo toṉove go, mana teke ne qira vano situ volina patapata ro aro, goto nae aro tono pala too vavagadona tepa rani ne, mana aro ono lama mana lulua va era go.”

Matiu 6:19

Jesu igo napu de, “Muniki soti ze pata vavagado ramu pua dena, tanego kokorosi mana bebega tina mazala vasakate na mana vano sikosiko iri mazala papatena pade ne mana siko vavagado nae go.

Matiu 6:24

Jesu igo napu dena, “I kaega kaki basoe i mazala osaka ne karua batu. Tina vasasakata ne kakia mana tina mamaligara ne kakia go. Tina mia vamazale kakia mana tina taru vaqoqore kakia go. Iago imakuru qamu tamuna vamazale go God mana pata vavagadona pua dena.

Luka 11:41

Iago muna teke ne qira basoero situ pataro ikoe loborona kapu mana ebata ramu, go ia osina ro pata tina daloe de qamu koe ramu.

Luka 12:33

Volivoli ne osina patapata ro ramu, mana teke ne qira kesa na vano iri situ go. Pala tanuqamu pata tarutaru kesa iki rove go kaega taridaka, mana babana ze vavagado ramu rani ne, de iki mazala go kaega za qoqoro. Tanego i kaega ka basoe sikosiko tina pala go mana kokorosi tina va sakate go.

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Luka 16:11

Iago ṉalu iriki ruruqe qamu go kaega sauna miasoka na vavagado na pua dena, akena tinara ruruqe qamue go miasoka na vavagado ogoto na rani ne?

Luka 16:13

I kaega ka basoe zazu tina mazala go osaka ne karua batu, tina vasasakata ne kakia mana mamaligara ne kakia, tina nanao vamazale kakia mana taru va qoqore kakia. Iago i makuru qamu tamuna vamazale God mana pata vavagado na pua dena.”

Luka 16:4

O, ninidena qa rove pata tuna zazu ne, go ṉalu tuna mamanava go koe na zazu dena, era tinara ko nava kakiaro vakitaka ro, iri mazala go va keba ve pade ro ria.’

Zazu Ria Apostoloro 10:31

mana igo, ‘Konilias! God i gata pepene ro aro, mana i toqe ne zazu vari nanao ro aro’.

Zazu Ria Apostoloro 10:4

Konilias i reṉa taru vanadu ne aqelo ne, i lete sareki mana igo, “Avana Batu?” Aqelo ne i vataule ne ia igo, “God i kula ne pepene ro aro, mana zazu vari nanao ro aro, iago i piri ne tina tavisi nigo.”

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Judi 1:21

Mana taru vanadu qamu e loborona mamaligara ia God, mana ko piri e de ikoe go Jesu Kristo tina teke ne qamu manava, mana too iki rove go kaega lupo go.