Luka 16:8 - Vato Vari Vakameka Voru Ia Batu Ne

⁸ Taramuzina nae batu ia valeke tatakiu ne, i vazaka ia, tanego i tarove ne zazu na pataro igogo ne. Tanego basoero na pua dena iri rove dego miasoka na pata vavagado ro ria, iri sivala ne qira basoero iri koego tatavata.”

Luka 16:8 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 17:26

“Basoero kakavata,” igo Pita. “Velaka sivala,” igo Jesu, “Iato go sale ro ia batu lavata ne iriki volia kaega takisi.

Luka 16:10

Ka basoe iri ruruqe ze ia miasoka na pata suka, tarina ruruqe napu zeso ia miasoka na pata lavata ro, mana ka basoe iriki ruruqe ze kaega ia miasoka na pata suka ro, tariniki ruruqe napu ze so kaega ia, miasoka na pata lavata ro.

Luka 16:4

O, ninidena qa rove pata tuna zazu ne, go ṉalu tuna mamanava go koe na zazu dena, era tinara ko nava kakiaro vakitaka ro, iri mazala go va keba ve pade ro ria.’

Luka 16:7

Gonae i tana napu ne kaki valeke, ‘Do aro, ava via qo lepulepu ne go?’ Valeke ne igo, ‘Kameka mao kuza na vuiti.’ Valeke zazu ne igo, ‘Ono pala pepa lepulepu aro dena, mana karo ze zaluvasa kuza.’

Luka 18:6

Jesu i sine napua, “Ramu qamu gata to pata ni sine go valeke batu varitanae ne.

Luka 20:34

Jesu ivataule ne qira, “Valekero mana qolero na ninidena iri busi,

Luka 20:35

do valeke ro mana qolero itora qira go tarina too napu me tepa le ne mana tarina koego vudu voru tinara lama go, ria nae tariniki ara busi to kaega.

Tarama Velaka Ia Jesu Kristo I Karo Go Jon 12:36

Muna vaogote tatavata nae, torana iara ko tavisi qamu go, go tamuna basobasoero na tatavata.” Taramuzina i sine lupo seko ro dena, Jesu i za pipika tanuna de iri koego basoero ne.

Kameka Korinti 3:18

Kaega ka basoe mara va bulaṉoe tanuna, ṉalu kaki basoe i nanao, i tarove ne patana ro pua dena, ia tina vana lupo ne tarove ia, mana vaqoqore tanuna go tina pala tarove igogo ne.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Kameka Tesalonika 5:5

Ramu qamu basoero na tatavata, mana qamu zazu ne pata velaka ṉalu ni musaqara go. Ita qatiki basoe na kaega kuse ba rodoko go.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.