Luka 16:3 - Vato Vari Vakameka Voru Ia Batu Ne

³ Valeke ne ivane dena tanuna, ‘Batu era tina vamamanava ve zazu era. Avana to tuna zazu ne? Era qaki moqere kaega, go tuna sola go kakako ro, mana qa agava ne, pene kesa qira basoero ne.

Luka 16:3 ပူးပေါင်းရင်းမြစ်များ

Matiu 20:8

I raravi to ia, valeke itoṉove go barue ne, i sine ne valeke i kenaqa ne qira go vano zazu ne, ‘Koru qira vano zazu ne mana tekene qira voli qira, tupie ria iri lama muzi mana za lupoe ria iri lama kenaqa go.’

Maka 10:46

Jesu mana disipoloro ia iri lama dokae komala Jeriko, mana ṉalu iri kasi ne komala nae topu basoero iri lulu qira ria. Kameka valeke vitoṉona Batimasi sale valeke ia Timeas. Osina ṉalu i poro kolokue so rikisina zuka ne, mana penepene kesa qira so basoero ne ṉalu iri zaza sivale go zuka ne.

Luka 12:17

Gonae iko i nanao zaqe, ‘Avana to tuna zazu nego era. Pade era iki tora to kaega taru lupo zena pata gege na barue era, igo.

Luka 16:2

Iago valeke vavagado ne i koru va keba valeke ne mana i sine ne, ‘Avigo tane pata qa gata go era saumu aro? Ono karo vatotoloṉo lupo de igogo zazao na osina pataro qo zazu bana nego, tanego ninidena aro iki torago to kaega tono kenaqa ne miasoka na patapata ro rera.’

Luka 16:20

De go, i ko napu kameka valeke situ vitoṉona Lazarus, i kukuru lupo tokamana. Iri poro pala vazao ze so siporaṉa na pade ia valeke vavagado ne.

Luka 16:22

Ṉalu valeke situ dena i le, aqelo ro iri lama sua ia mana iri vakoluku ze rikisina Abra-am tepa rani ne. Valeke vavagado ne i le, mana iri za vou ia,

Luka 16:4

O, ninidena qa rove pata tuna zazu ne, go ṉalu tuna mamanava go koe na zazu dena, era tinara ko nava kakiaro vakitaka ro, iri mazala go va keba ve pade ro ria.’

Luka 18:4

I lete umata sakata to valeke batu varitanae ne, i kasina zazu ne na pata ni sine ne go qole nanaro ne, do taramuzina i vane dena tanuna, ‘Pata volomo era qaki sareki ne kaega God ba va mazala qira kaega basoero ne do,

Tarama Velaka Ia Jesu Kristo I Karo Go Jon 9:8

Basoero na komala ia mana basoero iri rove velake go iato tane i valeke penepene kesa go, iri vari goe dena, “Avigo valeke dena to tane i koloku mana pene kesa ego zuka ne osina ṉalu ba?”

Zazu Ria Apostoloro 3:2

Tepa siporaṉa na Pade Lotu ne, iri vitoṉo ze siporaṉa menomeno, i koe kameka valeke i taveqo bana so pasi podo i vae go. Osina musaqara iri sua vazao ze ia siporaṉa ni gogo ne, go tina pene kesa qira basoero iri zae go Pade Lotu ne.

Zazu Ria Apostoloro 9:6

do ono degere mana gado za loborona komala lavata ne, mana nae tono soba ze kameka valeke tina sine nigo pata tono zazu ne go.”

Karua Tesalonika 3:11

Qimu sine pata dena, tanego qimu gata zatu kakia ro basoe iri koego de qamu koego iri muaka ne zazu, iri telo volomo so, do iri poro sine ne qira basoero ne pata ro mara zazu ne go iri go.