Luka 16:22 - Vato Vari Vakameka Voru Ia Batu Ne

²² Ṉalu valeke situ dena i le, aqelo ro iri lama sua ia mana iri vakoluku ze rikisina Abra-am tepa rani ne. Valeke vavagado ne i le, mana iri za vou ia,

Luka 16:22 ပူးပေါင်းရင်းမြစ်များ

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Matiu 8:11

Ma sine ne qamu pata ogoto, topu basoero tarina reqe mego osina dia kolabana pua tarina kelo tavisi qira Abra-am, Aisak, mana Jekop go tarina ṉaṉa tavise go Too ikoego vari miasoka ia God.

Maka 8:36

Ṉalu kaki basoe i kone osina pata velaka na kolabana pua dena mana i variqo ze too ia, avigo pataro dena iri mazala tavisi nena ia? Kaega to!

Luka 12:20

Do God i sine ne ia, ‘Aro qo valeke bulaṉoi, kuse ninidena to era tuna pala go too aro. Iago akena tina pala go pataro qo toṉove go nae?’ ”

Luka 16:21

Nanaona go tina mazala ge na tatamuzalana pata gege tina soru ego tevolo ia valeke vavagado ne, sika ro iri lama alope kukuru ro i koego tokamana iago.

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 13:23

Kaki kameka disipolo Jesu i lete mamaligara ne go, i kolokue rikisina Jesu.

Tarama Velaka Ia Jesu Kristo I Karo Go Jon 21:20

Pita i tabali ule mana i mia disipolo Jesu i mamaligara ne go, i lulu muzi ne qiru. Disipolo dena to i tabali bana go Jesu, ṉalu iri ṉaṉa go mana i tana ne go Jesu igo. “Batu, akena tane tina vabesa nigo aro na?”

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Jemisi 1:11

ṉalu saṉa ikeba me lama dokae to torana ni lete ila go ia iri soru tadau lupo so go. Gerena to basoe vavagado, tina le ia za patavolomo so tina go vavagado ia ni riqo taru ne go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”