Luka 16:16 - Vato Vari Vakameka Voru Ia Batu Ne

¹⁶ Tamana ro ia Mosese, mana karo ro ria propetaro iko so go i lama doka ṉalu ia Jon na bapitema. Torana ṉalu nae Tarama Velaka na de igogo Too ikoego vari miasoka ia God iri vari vagata ne, mana topu basoero iri pada ne go tarina lamae too dena.

Luka 16:16 ပူးပေါင်းရင်းမြစ်များ

Matiu 10:7

Mana ṉalu qamu za go, muna tarama ne, Too ikoego vari miasoka ia Batu ne i lama garogaro to.

Matiu 15:11

Patagege i keba zago saqe na basoe ne iki mazala kaega nava poṉo go basoe ne, do seko i siporo ego saqe ne tane i mazala go va poṉo go basoe ne.”

Matiu 21:32

Tanego ramu qamuki vaogote kaega Jon i vari va bapitema go, ṉalu ia i lama vasadaka ne qamu go vatovato totoloṉo tamuna lulua go. Do vano palapala takisi mana qolero iri volivoli ne tokamaqira sauna too sakata ro, iri vaogote ia. Do ramu qamu mia pataro dena, do qamuki kavale so kaega nanao qamu, go tamuna vaogote ia.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Maka 1:14

Taramuzina iri taruze go Jon bara ne. Jesu izae Qalili mana i tamana ne Tarama Velaka ia God.

Maka 1:45

Do valeke ne iza tarama ze osina dia igoe go, iago sauna to ianae i makure Jesu za sadaka na komala ro iri koego basoero topu ne. Iago Jesu ikoe so de iriki koego kaega basoero ne. Do basoero ne ara lama mia so iri go.

Luka 10:11

Gausu na loduna pua na komala ramu dena i kapate go polana makeqemu, qimu tavoro vaule ne qamu. I gerena lalana de qamu gogo ramu. Do muna nanao tarua ia dena, de ikoego vari miasoka ia God i lama garogaro e de qamu koego ramu.’

Luka 10:9

Muna va tavoesi qira basoero iri mokosoe go komala nae mana muna sine ne qira, ‘Too ikoego vari miasoka ia God i lama garogaro qamu ramu.’

Luka 16:29

Abra-am igo, ‘Togamu i ko Mosese mana propeta ro iri sine bana ne qira, iago togamu ro mara ria gata pataro iri sine go ria ne.’

Luka 16:31

Do Abra-am igo, ‘Ṉalu iriki gata go kaega pataro iri sine go Mosese mana propeta ro, patavolomo ṉalu kaki basoe i za too napu me tepa le ne, ria iriki mazala kaega vaogote na ia.’ ”

Luka 9:2

Go nae ia i turine qira tarina za mana za vatatavata ne qira basoero ne, de go zazao na Too de ikoego vari miasoka ia God, mana za va velaka qira basoero i pala qira go soso mokoso ro ria go.

Tarama Velaka Ia Jesu Kristo I Karo Go Jon 1:45

Pilipi i soba Natanel mana i sine ne, igo, “Valeke ni karo valu bana ne Mosese loborona buka na Tamana ne, mana karo ro ria propeta ro go ne, qi soba to remu. Vitonona Jesu, sale ia Josepo i reqe me komala Nazaret.”

Tarama Velaka Ia Jesu Kristo I Karo Go Jon 11:48

Ṉalu tatana koso mana ki vanoto kaega gogo ne, osiqira basoero ne tarina vaogote ia, ṉalu nae vano batubatu na Rom tarina lama pabale Pade Lotu ita, mana basoero na vudu ita go!”

Tarama Velaka Ia Jesu Kristo I Karo Go Jon 12:19

Gonae vano Parisio ne iri vari goe dena, “Qamu mia, pata qata vato nego mana qata va kolokua go ne, iki voto so kaega! tanego topu sasakata basoero iri ara lulua so ia!”

Tarama Velaka Ia Jesu Kristo I Karo Go Jon 5:4

tanego aqelo ia God tina lamae besi bolu ne mana lama vizua go. Mana basoe mokoso tina za kenaqe go loka ne tina tavoisi go.

Zazu Ria Apostoloro 3:18

God i sine bana me ṉalu bana ne, de iri koe osiqira propetaro ia, iri tavine bana ne go ṉalu bana, Mesia tina pala vokara, mana seko ni gogo ne, i lama sadaka ogoto.