Luka 16:15 - Vato Vari Vakameka Voru Ia Batu Ne

¹⁵ Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Luka 16:15 ပူးပေါင်းရင်းမြစ်များ

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:2

Iago ṉalu qamu tekene sosovolomo kakia basoe situ kasi pepeu na. Vatovato gogone iato iri zazu ne basoero poqepoqe loborona Pade Lotu mana zuka lavata na komala ne, go basoero ne mara va zakazaka qira iri go. Ma sine ne qamu pata ogoto, basoero nae iri pala bana to voli qira.

Matiu 6:5

Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Luka 10:29

Do valeke vari vatatana na Tamana ne i soko va totoloṉo na tanuna, gonae i tana napu ne Jesu, “Akena tane i onotoqu go?”

Luka 11:39

Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go.

Luka 18:11

Valeke Parisio ne i degere mana i pene, igo ‘Batu! Qa seko velaki go, tanego qaki valeke ṉaṉa siko kaega, qaki poqepoqe kaega, qaki taunata kaega gere qira basoero topuro ne, qa seko velaki go, tanego qaki gere kaega valeke palapala takisi ni ko mego taramuzi dona.

Luka 18:14

Ma sine ne qamu pata ogoto, valeke palapala takisi dena i gado ule za pade ia, mana i lete totoloṉoe matana God, ba valeke Parisio dena ne, kaega! Tanego ka basoe i vazaka tanuna, God tinara va qoqore ia mana ka basoe iva qoqore go tanuna, God tinara va popoka ia.”

Luka 18:21

Valeke ne ivataule, “Pasi qara suka mego mana lama doka to ninidena gogo ne, era qa vaogoto lupo so Tamana ro nae.”

Luka 18:9

Jesu gonae i sine napu ne qira seko vapadapada dena, tanego kakiaro basoero iri go, iri lete totoloṉo, mana iri mia va qoqoro qira kero ne basoero ne.

Luka 20:20

Gonae iri piri ne ka ṉalu tina malumu ne qira, gonae iri voli qira kakiaro basoero ria, go tarina gere qira vano velaka, mana iri vazao qirae dekoe Jesu go tarina za tana va sorua ia, go tarina mazala go pala vazao ze ia loborona karaputa mana mazala ia batu lavata na Rom.

Luka 20:47

Iri va bulaṉoe qira qolero nanaro mana iri pala siko qirae patapataro ria, mana ṉalu iri pene, iri vazakanapu ne pepene loda ro! Qamu rove, lepulepu ria ne tina lete lavata sivala.”

Tarama Velaka Ia Jesu Kristo I Karo Go Jon 2:25

Patavolomo kaega ka basoe i lama sine ne ia sauqira basoero ne, ia i rove lupo bana so pata ikoego loborona nanao qira.

Tarama Velaka Ia Jesu Kristo I Karo Go Jon 21:17

Gonae Jesu i tana napu ne ia vapisana zaza, igo, “Saimon, sale ia Jon, avigo qo mamaligara nava era ba?” Pasi nae Pita i lete maqata, tanego kapisa zaza to, Jesu i tana ne ia, igo, “Avigo qo mamaligara nava era ba?” Iago i vataule ne igo de, “Batue, aro qo rove osina pata, mana qo rove, era qa mamaligara nigo.” Iago Jesu i sine ne ia, “Ono miasoka velaka qira sipi ro era.

Zazu Ria Apostoloro 1:18

Kesa ipala bana go Jiudas sauna zazu sakata ia ne, i voli ze takoborona pua. De igogo ne to iza sorue i le go, mana italuapa kuabana i siporo go.

Zazu Ria Apostoloro 1:24

Gonae iri pene, iri go dena, “Batue aro qo rove lupo puṉu qira osiqira basoero ne, iago ono va mia qemu remu adeke kameka riru dena qo vine go,

Zazu Ria Apostoloro 15:8

Mana God i rove go nanao na osina basoe, i vasadaka velaka bana me so i soko napu qira so kerone basoero go. Tanego i teke napu ne qira so ria Spirit tabo gerena i teke bana ne gita go ita.

Leta Ia Pol I Karo Ne Qira Basoero Na Rom 3:20

Tanego kaega ka basoe i totoloṉoe go de ikoe go God ṉalu i lulua go so pataro ni sine go Tamana. Do pata i zazu ne go Tamana i varove ze so basoe nabi i zazu ne go vasakata pata.

Leta Ia Pol I Karo Ne Qira Basoero Na Rom 8:27

Do God i mia mego osina nanao i kome go loborona puṉu qita i rove nanao ia Spirit tabo. Tanego Spirit tabo i pene ne qira basoero ia God go ni valuluze go de ni soko go God.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Kameka Pita 3:4

Ba pata menomeno mara ko mego loborona puṉu, mana madau qamu ne, iato ko va velaka, noto mana ko duduli go. Vatovato nae to i lete mazala sivale go tarakenaqana God.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”

Revaleson 2:23

Mana ria iri lulua go ia, era tuna vae vale lupo qira, go osiqira basoero na eklesia ne tarina rove, era qa rove lupo osina nanao ro ria mana pataro iri soko go. Era tuna teke vaule ne ia lepulepu i tora go kebu ro ia.