Luka 16:1 - Vato Vari Vakameka Voru Ia Batu Ne

¹ Jesu i sine ne qira ria disipoloro ia, “I ko kameka valeke vavagado i ko ne kameka valeke zazu ia, i kenaqa ne miasoka na patapata ro ia. Kakiaro basoero ne iri sine ne valeke vavagado ne, ‘Valeke ni miasoka go pata vavagado aro i gole qiso ne kesa ro aro.’

Luka 16:1 ပူးပေါင်းရင်းမြစ်များ

Matiu 20:8

I raravi to ia, valeke itoṉove go barue ne, i sine ne valeke i kenaqa ne qira go vano zazu ne, ‘Koru qira vano zazu ne mana tekene qira voli qira, tupie ria iri lama muzi mana za lupoe ria iri lama kenaqa go.’

Luka 12:42

Batu ne igo, “Akena to i valeke zazu vavaogoto mana i tarove go? Iato valeke iva kenaqe go batu ia tina miasoka go pade ia, mana tina kena ne qira go vano zazu ia pata gege ṉalu igado ule mego komala ia.

Luka 15:13

Taramuzina kavia musaqara i sivala, ke suka sale valeke ne i volivoii lupo ne osina patapataro ia i teke ne go tamana. I pala kesa ne i kasi ne komala ia mana izae vudu laqalaqa, mana iva lupo ze kesa ia too na vatovato sakata ro.

Luka 15:30

Do sale valeke aro nae i gole qiso lupo ne kesa aro de iri koego qolero iza va gabu qira. Mana ṉalu iza gado ule me ia, qovae ne tunana buluka velaka go.’

Luka 16:19

Jesu i sine napu ne qira, “I ko kameka valeke i vakeba ne poga i lete voli makuru go, i kone topu na pata velavelaka mana i ge pata gege velaka osina ṉalu.

Luka 16:2

Iago valeke vavagado ne i koru va keba valeke ne mana i sine ne, ‘Avigo tane pata qa gata go era saumu aro? Ono karo vatotoloṉo lupo de igogo zazao na osina pataro qo zazu bana nego, tanego ninidena aro iki torago to kaega tono kenaqa ne miasoka na patapata ro rera.’

Luka 19:20

Kakia napu valeke zazu ne, i lama mana igo, ‘Batu, iato dena kesa qolu aro, qa kade ze poga mana qa pika go.

Luka 8:3

Joana qole ia kaki kameka valeke batu na pade ia Erode vitoṉo na Tuza, mana Suzana, kakiaro napu ria go. Iri va zazua so pataro iri toṉove go tanuqira go mara tavisi ne Jesu mana disipoloro ia iri go.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Jemisi 4:3

Mana ṉalu qamu pene go do qamu ki pala go kaega, tanego pataro qamu pene go i sauna so pata mara vakula qamu so.

Kameka Pita 4:10

Nogoto qita qata pala soso adoado na sosovolomo ia God, iago mata soso velaka ne qira kero ne basoero sosovolomo velaka sivala qata pala ze go God.