Luka 14:32 - Vato Vari Vakameka Voru Ia Batu Ne

³² Ṉalu i nanao iki karaputa sivala ne kaega kene batu lavata, ia tina vazao kakia basoero ia, go tina za pene bule de ikoego batu lavata nae torana iara ko laqalaqa mego.

Luka 14:32 ပူးပေါင်းရင်းမြစ်များ

Matiu 5:25

Mana ṉalu kaki basoe i soko pala ge aro varitanae sauna bana kaki pata kebu qo zazu bana ne, do aro ono pada ne vatotoloṉo ze valeke nae torana qaburu ara kaebo go zae na varitanae. Niki go ṉalu qaburu zae go varitanae iri vazao ge aro bara ne.

Matiu 5:42

Ṉalu basoe i pene zigoe kaki pata ono teke ne. Ṉalu i soko mara vazazua so tekere kakia patapata aro igo ono vamao ne mara pala tekere.”

Luka 12:58

Ṉalu kaki basoe i pala goe varitanae, ono lete pada ne miana basoe nae go maburu vatotoloṉe torana qaburu ara kaebo zae na varitanae. Ṉalu qoki pada ne kaega vatotoloṉo katikili na, basoe nae tina vazao goe aro varitanae, mana tarina vazao ge aro de iri koego vano pulisi, mana tarina taru goe bara ne.

Luka 14:31

Ba ṉalu kaki batu lavata i lulu qira za manoga mao basoero varitara iago mara za varitarae dekoe kene batu lavata igo. Mana kene batu lavata i lulu me qira karabete mao vano varitara ia, batu kenaqa ne tina koloku mana nanao zaqe avigo i mazala varitara mana sivala ne na kene batu lavata, ba kaega.

Luka 14:33

Gerena napu so ramu,” igo Jesu, “kaega kaki kameka ramu tina disipolo era ṉalu iki tarua kaega pataro i toṉove go.”

Luka 19:14

Do basobasoero ia iriki soko kaega ia, iago iri vazao qira vano palapala seko ria tarina za sine, ‘Remu qiki soko kaega valeke dena tina batu lavata remu go!’

Zazu Ria Apostoloro 12:20

Erode i lete muma ne qira basoero na Taea mana Saidon, iago basoero na karua kena igogo ne, iri qoqoṉo, go tarina za mia Erode. Iri za kenaqe de ikoego Balastus, valeke ni miasoka go pade Lavata ia Erode, go tina tavisi ne qira. Goto nae iri zae de ikoego Erode mana iri za pene bule, tanego tepa vudu ia so batu lavata Erode iri pala ze go pata gege ria.