Luka 12:4 - Vato Vari Vakameka Voru Ia Batu Ne

⁴ Jesu igo, “Ramu vakitaka ro era, masine ne qamu, muniki sareki ne qira basoero iri mazala go vae vale na tokama qamu, do taramuzina iriki mazala kaega lete vasakata qamu.

Luka 12:4 ပူးပေါင်းရင်းမြစ်များ

Matiu 10:28

Muniki sareki ne qira basoero, iri mazala go vae vale na tokama qamu, do i makuru qira tarina vae vale go madau qamu. Do muna sareki ne God, tanego i mazala vae vale qamu, mana vazao ze madau qamu loborona nako iki rove go kaega le.

Tarama Velaka Ia Jesu Kristo I Karo Go Jon 15:13

Ka basoe i le ne sauqira vakitaka ro ia, i vasadake basoe nae to i ko nego mamaligara ilete lavata sivala, i sivala ne qira kero ne basoero ne.

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Zazu Ria Apostoloro 4:13

Vano na pepeu lavata ne iri lete poloso sivala ṉalu iri mia go vanadu qiru Pita mana Jon, iruki sareki go kaega, mana iri nanao rove iru karua basoe volomo so, tanego iruki sikulu kaega, do ria iri rove velake qiru iru kotavisi bana go Jesu.

Pilipae 1:28

Muniki sareki ne qira kana ro ramu, do muna vanadu osina ṉalu, mana iato tina vasadaka ne qira, ria iri nala mana ramu qamu karaputa, tanego tanuna God, ivakaraputa qamu.

Jemisi 2:23

Iago seko na Buka tabo ne ilama ogoto, “Abra-am i vaogote God mana sauna vaogoto ia, God itoqe ne ia itotoloṉo.” Iago Abra-am i vakitaka ia God.

Kameka Pita 3:14

I ogoto, kadigo ramu qamu pala bana vokara na ṉalu qamu zazu nego pata velaka, ne ianae ramu qamu maṉana to! Muniki sareki ne qira basoero ne, mana nanao vokara ba tutuqu go.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.