Luka 12:37 - Vato Vari Vakameka Voru Ia Batu Ne

³⁷ Vano zazu ne iri lete kula ṉalu batu ria i lama mia qira go, iri dogara mana vanama taru ne ule na ia. Ma sine ne qamu pata ogoto, ia tina ozuke roku ia mana va koloku qira ria mana tina zazu ne qira.

Luka 12:37 ပူးပေါင်းရင်းမြစ်များ

Matiu 24:42

Iago muna miasoka, tanego qamuki rove kaega ṉalu era Batu ramu tuna za ule mego.

Luka 12:36

Gerena vano zazu iri piri ne go batu ria ni ule mego ṉaṉa vari vabusi ne. Ṉalu i ule mego i lama kekeqere ria iri katikili papaqa siporaṉa ne.

Luka 12:43

Avana to ka kula ia valeke zazu ne, ṉalu batu ia i lama mia ia, i zazu ne osina patapataro ia.

Luka 17:8

Kaega! Tono sine ne ia, ‘Vanama nava pata gege era. Ono vakeba ne roku meno mana valame pata gege mana besi era go, taramuzina to nae tono ara mazala go za ṉaṉa.’

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Luka 22:27

Akena tane i mazala go riru dena. Velake i koloku mana iṉana go! Ba ia i vanama go pata gege ne? Ramu qamu rove, iato valeke i ṉaṉa go, do era, qa ko piri ne qamu gere valeke i vanama go pata gege ne.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Pilipae 1:21

Avana tane i talupase go, qata too go? De qakoe go era ne, Kristo i too era, go ṉalu tuna le, tuna pala topu na pata ni velaka sivala.

Pilipae 1:23

Era qaki rove kaega ade ke tuna lulua go, do era qa lete soko, ma kasi ne too dena mana ma ko tavise Kristo, iato i pata velaka sivala go.

Karua Pita 1:11

Mana God tina va mao ne qamu keba zana vudu voru iki rove go kaega za lupo. Vudu nae ne, iato i za ko Batu ego Jesu Kristo Batu ita ne.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”